旺記冰室 (大本型) (已結業)

油塘呢區食店選擇唔多，食來食去果幾間，口都掛埋，最近在大本營food court 入口，新開左間旺記，更係試新野啦！開頭以為叫旺記冰室，應該係茶記茶餐廳feel, 但一去到見到裝潢係和式，職員反應幾快，馬上招呼及帶位，我地坐既卡位都夠寬落，枱櫈既高度也剛好，不過晚餐menu選擇唔多，只得11種，而且當日冇烏冬，所以9號同10號餐冇左，我叫左鮮牛濃茄蛋花湯一丁，夠濃香，我碟都0黎埋，麵唔會煮到爛哂，但麵身較幼，食左一丁幾十年，我覺得唔係出前一丁囉…我朋友叫左豬扒印尼撈麵，係雙撈，有兩隻麵，男仔都夠飽，仲有少少沙律菜，增加健康感，每次試新餐廳多數會試一試佢奶茶先，得，地方乾淨，人手足夠，食物都幾特別，整體合格有餘，有機會一定會再試佢早餐同下午茶，希望會加多d組合同選擇。