影片
更多
2023-04-24
228 瀏覽
又到每月一次邊爐聚，個個月都係食放題，今次決定搞搞新意思，試下謝斐道呢間主打日式涮涮鍋同壽喜燒嘅「本延鍋物」。餐廳嘅裝修好有格調，白色門面、弧形外牆、電視框造型大玻璃窗，再配以室內嘅圓環吊燈、掛牆裝飾和桌上嘅小擺設，佈置充滿日式風情。餐廳主打一人一鍋，午市有 3 款關東風壽喜燒套餐供應。點咗 2 個和牛套餐，跟餐配有綜合時蔬、蝦滑、日本生雞蛋、飯及甜點。日本黑毛和牛A4套餐 ($168) 壽喜燒湯底味道調校得啱啱好，甜味恰到好處，香甜不膩。餐廳選用嘅和牛係來自熊本縣嘅頂級品種「和王」，是為和牛之霸。而呢個套餐就用咗 Knuckle，即後腿内側部位，雪花紋分佈平均，肉質細緻，柔嫩帶嚼勁，只需在湯鍋內輕涮 6 至 8 秒，再沾蛋液吃，入口即溶。至於另一客極上黑毛和牛A4套餐 ($238) 賣相就更加吸引，粉紅色澤，擁有大理石般油花，油脂同瘦肉搭配得非常勻稱，食落肉質細膩柔軟且肉味濃郁，口感極佳，令人回味無窮！蔬菜籃齊集金菇、冬菇、秀珍菇、芋絲、腐皮、蟹柳、娃娃菜和粟米等，份量十足，全部都好新鮮清甜。另外粒蟹籽蝦滑亦非常正斗，打到起晒膠，咬下爽口彈牙。飯 +$15 可升級做稻庭烏冬，烏冬
又到每月一次邊爐聚，個個月都係食放題，今次決定搞搞新意思，試下謝斐道呢間主打日式涮涮鍋同壽喜燒嘅「本延鍋物」。
餐廳嘅裝修好有格調，白色門面、弧形外牆、電視框造型大玻璃窗，再配以室內嘅圓環吊燈、掛牆裝飾和桌上嘅小擺設，佈置充滿日式風情。
餐廳主打一人一鍋，午市有 3 款關東風壽喜燒套餐供應。點咗 2 個和牛套餐，跟餐配有綜合時蔬、蝦滑、日本生雞蛋、飯及甜點。
日本黑毛和牛A4套餐 ($168) 壽喜燒湯底味道調校得啱啱好，甜味恰到好處，香甜不膩。餐廳選用嘅和牛係來自熊本縣嘅頂級品種「和王」，是為和牛之霸。
而呢個套餐就用咗 Knuckle，即後腿内側部位，雪花紋分佈平均，肉質細緻，柔嫩帶嚼勁，只需在湯鍋內輕涮 6 至 8 秒，再沾蛋液吃，入口即溶。
至於另一客極上黑毛和牛A4套餐 ($238) 賣相就更加吸引，粉紅色澤，擁有大理石般油花，油脂同瘦肉搭配得非常勻稱，食落肉質細膩柔軟且肉味濃郁，口感極佳，令人回味無窮！
蔬菜籃齊集金菇、冬菇、秀珍菇、芋絲、腐皮、蟹柳、娃娃菜和粟米等，份量十足，全部都好新鮮清甜。
另外粒蟹籽蝦滑亦非常正斗，打到起晒膠，咬下爽口彈牙。飯 +$15 可升級做稻庭烏冬，烏冬煙韌滑溜，同壽喜燒湯底好夾。 
飯後仲有甜品抹茶蕨餅，蕨餅沾滿甘醇抹茶粉，口感煙韌，帶抹茶甘香，為午餐完美作結。
張貼
