和牛西冷薄切大判燒&赤身定食 $298
超推薦！lunch黎食真係性價比高啲！塊和牛西冷極佳口感❤️ 西冷通常係牛外脊部位，肉質緊實啲但帶油花，所以和牛味濃得黎，亦都會比較嫩身。呢塊一睇就見到係好粉嫩，油脂分布好似地圖網紋咁🤤
店員都幾細心，佢驚我哋handle得唔好，會主動問我哋幫手燒。又會先問我哋想食幾成熟，為呢間餐廳加咗分🤤 佢嘅手勢又真係幾pro，教我地應該初初卷起燒，防止過熟。
黑毛和牛嚴選定食[三款] $248
如果想試晒佢既招牌和牛，可以叫呢個招牌定食。食咗三款 (和牛羽下、和牛芯芯、上後腰脊肉) 之後真係大滿足，其中我最鍾意佢嘅和牛羽下 (即係牛肩胛下方、靠近肋骨既稀有部位，又稱翼板肉) 因為最厚切🤤肉身厚實，而且又有大理石油脂花紋😂 送飯一流。
另外全部定食都有沙律、泡菜、湯！
Lunch set 由$68-$298 不等，除咗燒肉，亦都見到好多熟食揀。今日係閑日晏晝，餐廳12:00 開始人多，附近應該好多寫字樓放lunch，大概去到12:30就接近滿座👍🏻
