稻八日式火鍋炸物放題 (已結業)

一班人去打羽毛球，出完一身汗，仲想搵個地方，邊食邊傾計。今晚就嚟到大埔舊墟直街的八稻日式火鍋炸物放題。人多的話，最好早啲打電話嚟訂枱。餐廳座位都算寬闊，大約四個人一個爐。有自助調味醬區，飲品選擇頗多，丸類、蔬菜、麵食都是放題，食幾多拎幾多。愛牛的我們，選擇了M9和牛餐（每位$318）。火鍋湯底方面有8款，和牛配壽喜燒甜醬油湯最夾。特選M9和牛牛小排色澤均勻，油花滿佈，燙幾秒就食得。忍不住要Encore多次M9和牛牛小排，第二次的十分肥美。嚴選M6和牛盛盒（牛肩胛肉、和牛牛舌、牛下腹腩肉、牛胸肉）牛味較濃，色澤鮮嫩。羊肉片，美國自然豚肉片，日本北海道雞片同樣吸引。海鮮盛合十分豐富，墨魚仔串成一串，唔會淥完唔見晒，爽口彈牙。刺身選擇也不少。炸物放題，按指示，自己揀想食的嘢，沾少少炸漿和米糠，放入炸爐內炸。一陣就食得，幾好玩。甜品以雪條為主，有泰國雪條，也有少雀巢雪條和維記雪米糍。埋單後，職員會俾張單，食飽之後可以去門口按人數一人一杯Movepick 或Dreyers 。