炙・宴 (形點 I)

營業中

休息中

喺疫情底下，10點後禁堂食。接待職員態度不太好，好似唔想做生意咁。講咩政府規定10點後咁禁堂食。我究知啦！我就反問佢：吾系9:30先截單咩？之後佢就話如果你哋食得切嘅話就得。9:15入去坐低點餐，等咗5分鐘左右就上菜。我地9:40已食完埋單。另外，在9:30嗰陣我哋發現又有食客喺出面睇緊餐單，另一位接待職員就好客氣咁同佢哋講：我哋依家截單，如果睇啱嘅話可以即時入嚟落單，10點前離座就OK啦！最後客人愉快地入座然後落單。如果每位職員好似呢位職員咁既服務態度就好啦！講返食物方面，我地點左個和牛拉麵，湯底好濃郁，充滿和牛味。拉麵是我喜歡的硬度，咬落有口感。豬腩肉丼實物與相片一樣。燒豬腩肉片配生蛋黃（蛋黃給我弄破了才記得影相）豚肉肉質香嫩惹味，生蛋黃拌勻後，整個飯味道更上一層樓。總括而言這間餐廳的食物質素都幾好的，就是價錢與份量不成正比。