影片
更多
2023-06-25
187 瀏覽
疫情嘅時候，好多人都話黎一瀧食飯就好似去左🇯🇵日本旅行咁。搭𨋢上到去，一開𨋢門就見到傳統日式裝修，一石一木一花都充滿日本氣色。 🍣日本海膽配火炙A4宮崎和牛壽司：實物真係眼前一亮，和牛包住壽司飯，海膽上面仲有少少金箔，真係超豪華嘅配搭。外圍嘅內圍經過火炙處理（即和牛貼住飯嘅嗰一面），有一種睇唔出嘅香氣，但係一入口就好澎拜咁湧出黎。一片和牛，正反兩面，一冷一熱。火炙和牛嘅味道開始散去嘅同時，然後下一波嘅攻勢係由海膽發動。海膽同和牛都係比較濃味嘅食物，估唔到可以擺埋一齊，清甜嘅海膽平衡左和牛嘅油脂感，令口腔唔會持續有油膩感。 🍣吞拿魚蓉松葉蟹肉卷：有隻蟹鉗一齊上碟，一啖咬落去好清甜。松葉蟹肉填滿卷物嘅中心，頂部鋪上吞拿魚蓉，如果加少少蝦嘅成份（可能有但係我唔知）就一物三味食齊魚蝦蟹。 🍗一瀧唐揚炸三瀨雞：外圍入墨魚汁炸漿，薄身少少脆口，一啖咬落去仲熱熱地出緊煙（食到最後一件仲有少少煙），諗住咁熱嘅話可能中間會好乾身，但係肉質依然保持嫰滑多汁。一道菜嘅成功真係連鎖效應，環環緊扣，煮好之後保持溫度，及時上枱。 🍲博多牛腸鍋（二人前）：係今晚嘅重點，香港真係無咩地方食牛腸鍋，就算有都未必好食，暫
🍣日本海膽配火炙A4宮崎和牛壽司：實物真係眼前一亮，和牛包住壽司飯，海膽上面仲有少少金箔，真係超豪華嘅配搭。外圍嘅內圍經過火炙處理（即和牛貼住飯嘅嗰一面），有一種睇唔出嘅香氣，但係一入口就好澎拜咁湧出黎。一片和牛，正反兩面，一冷一熱。火炙和牛嘅味道開始散去嘅同時，然後下一波嘅攻勢係由海膽發動。海膽同和牛都係比較濃味嘅食物，估唔到可以擺埋一齊，清甜嘅海膽平衡左和牛嘅油脂感，令口腔唔會持續有油膩感。
🍣吞拿魚蓉松葉蟹肉卷：有隻蟹鉗一齊上碟，一啖咬落去好清甜。松葉蟹肉填滿卷物嘅中心，頂部鋪上吞拿魚蓉，如果加少少蝦嘅成份（可能有但係我唔知）就一物三味食齊魚蝦蟹。
🍗一瀧唐揚炸三瀨雞：外圍入墨魚汁炸漿，薄身少少脆口，一啖咬落去仲熱熱地出緊煙（食到最後一件仲有少少煙），諗住咁熱嘅話可能中間會好乾身，但係肉質依然保持嫰滑多汁。一道菜嘅成功真係連鎖效應，環環緊扣，煮好之後保持溫度，及時上枱。
🍲博多牛腸鍋（二人前）：係今晚嘅重點，香港真係無咩地方食牛腸鍋，就算有都未必好食，暫時亦未見到有餐廳會用牛腸鍋做主打。牛腸唔算多，同埋比較瘦，可以試下不過唔算太出色。滾一陣就要食曬架喇，如果唔係啲牛腸會𡁻唔開。
🍚牛腸鍋事後飯：食完牛腸鍋，叫個白飯加蔥花，用剩餘嘅湯黎煮個燴飯。白飯吸收左湯汁，充滿住牛腸鍋嘅餘韻，加埋蔥花真係錦上添花，好香。
🦪生蠔：叫左兩隻生蠔，諗住比較下，雖然都係一人食一隻，左邊係廣田灣（creamy），右邊係日之雪（爽口）。個人比較喜歡爽口嘅生蠔（純粹係個人喜好）。
日本海膽配火炙A4宮崎和牛壽司
4 瀏覽
0 讚好
0 留言
吞拿魚蓉松葉蟹肉卷
5 瀏覽
0 讚好
0 留言
吞拿魚蓉松葉蟹肉卷
4 瀏覽
0 讚好
0 留言
一瀧唐揚炸三瀨雞
6 瀏覽
0 讚好
0 留言
博多牛腸鍋
4 瀏覽
0 讚好
0 留言
生蠔
3 瀏覽
0 讚好
0 留言
牛腸鍋事後飯
1 瀏覽
0 讚好
0 留言
張貼
