魚尚 (富嘉花園)

營業中

休息中

收工太夜所以去咗買壽司餐盒由於有promotion嘅關係，買滿$50即減$10當日都幾多人排隊👉🏼壽司餐盒冇因為係放工時間嘅關係，刺身依然保持得好新鮮，蝦都好爽口彈牙。👉🏼蟹子沙律盛睇相都知落咗超多沙律醬有啲肥，不過唔撈沙律醬就冇咁好食。青瓜切得好細，啖啖都好爽脆，有啲類似蟹柳嘅食物撈埋喺入邊感覺好似食緊肉咁，夠飽肚。如果鍾意食花之戀嘅朋友可以揀五件花之戀餐盒，餐盒方面其實都算好多選擇亦都有流心蛋。總括而言就算冇優惠卷都會幫襯。因為近地鐵站好方便同埋食物能夠保持一貫水準。