Milu Thai มิลู่ไทย (百樂中心)

營業中

休息中

泰國菜一向深受香港人喜愛，而銅鑼灣呢間泰國菜館就以足料又抵食出名，提供多款正宗泰國料理同自創款式，如高達30cm嘅火山排骨以及用爐熱住上嘅咖喱三重奏。最近更加入新菜色，想食嘅記得要提前Book位啦。其一招牌菜為火焰燒雞，皮香肉滑仲有火焰效果，好食之餘又打卡able。小食拼盤集合蝦餅、魚餅、春捲、香葉雞同蝦片，啱晒選擇困難症嘅朋友仔，全部炸至酥脆可口，蝦餅魚餅咬落彈牙、春捲香葉雞餡料足夠，值得一試。私心推介呢度嘅咖喱，有黃紅青，黃唔辣，紅微微辣，青係辣嘅，搭配豬牛或雞，相比之下咖喱濃稠度唔高但勝在夠惹味，而且唔會好油或食完覺得口乾，肉類方面會推牛，大塊得嚟完全唔嚡，建議可以加點薄餅、蒜蓉包或白飯。主食有濕炒牛河，麵條軟硬度適中，夠掛汁，醬汁唔鹹，仲有好多雜菜，健康又飽肚。蟹肉炒飯反而有驚喜，顏色好淡但估唔到好夠味，個樣好實但係食落粒粒分明，有鑊氣。湯同菜品分別為海鮮粉絲湯同清炒雜菜，新鮮，鮮甜，美味可口。