RuRu Tapas Restaurant (已結業)

同朋友揀左呢間西餐，見openrice d圖好似幾好食，所以決定黎試下。大角咀黎講呢間野d野食偏貴d，不過如果好食都值既。叫左兩杯mocktail，正正常常冇咩特別。黃金薯條，好普通，同麥當勞差唔多西班牙燒乳豬，算係成餐飯最好食既一樣野，個皮脆肉質嫩。呢個啤酒煮青口不得了，隻隻都冇肉，仲有d腥臭味，救命😡😡😡😡西班牙紅蝦飯，其中兩隻青口又係腥臭味，飯偏淡，其他海鮮食落都唔太新鮮🙄🙄🙄🙄🙄慢煮牛柳，一上菜心諗呢碟咁靚仔應該冇事啦呱，點知…….竟然一d牛味都冇，完全唔覺自己食緊牛扒，真係好想知點做到😨😨😨😨最後同餐廳反應反d野食問題，佢地話可能係來貨問題影響，之後送左個甜品比我地其實餐廳員工服務態度好好，好有禮貌但三個人食飯（openrice訂座85折）都要成$1299，人均$433真係唔應該係咁既質素。如果真係來貨問題，希望餐廳真係好好改善一下d原材料。