影片
更多
2025-03-18
34 瀏覽
是日喺牛頭角碰上了 CP值驚人嘅<Burger Shot>，價錢同質素唔成正比（好好食，又好抵食😱😱），不得不大肆分享吓～一個2人餐 $248，包2個任選主食（Burger、熱狗、意粉）、1款任選小食、1個足夠2個人 share 嘅<大薯條>，同2款任選飲品～ 食品、飲品選擇明顯地迎合唔同口味，肉食涵蓋牛、雞，甚至海鮮，飲品有凍有熱，有soft drink有湯有涼茶，揀到心水真係好稱心☺️其中1個飲品唔揀 soft drink，揀咗<蕃茄濃湯>🥄果然係「濃」湯，蕃茄味夠濃、而且飲到有蕃茄肉，感覺好天然，襯其他濃味食物一齊食，絕不失色😋揀咗小食<脆炸雞塊>，加埋<大薯條>，各可選一款醬料搭配，我哋揀咗<芫茜白醬>同<蜜糖芥辣>～<芫茜白醬>明顯有芫茜碎，而且絕對唔係得個樣，芫茜味道好突出，芫茜控唔會失望🥰<蜜糖芥辣>味道大路，屬大眾都愛嘅易入口之選🤗<脆炸雞塊>上到菜先知，係雞扒塊嚟😮 小食都有雞扒食，感覺檔次又上咗一層樓🙌🏻 食
一個2人餐 $248，包2個任選主食（Burger、熱狗、意粉）、1款任選小食、1個足夠2個人 share 嘅<大薯條>，同2款任選飲品～
食品、飲品選擇明顯地迎合唔同口味，肉食涵蓋牛、雞，甚至海鮮，飲品有凍有熱，有soft drink有湯有涼茶，揀到心水真係好稱心☺️
其中1個飲品唔揀 soft drink，揀咗<蕃茄濃湯>🥄
果然係「濃」湯，蕃茄味夠濃、而且飲到有蕃茄肉，感覺好天然，襯其他濃味食物一齊食，絕不失色😋
揀咗小食<脆炸雞塊>，加埋<大薯條>，各可選一款醬料搭配，我哋揀咗<芫茜白醬>同<蜜糖芥辣>～
<芫茜白醬>明顯有芫茜碎，而且絕對唔係得個樣，芫茜味道好突出，芫茜控唔會失望🥰
<蜜糖芥辣>味道大路，屬大眾都愛嘅易入口之選🤗
<脆炸雞塊>
上到菜先知，係雞扒塊嚟😮 小食都有雞扒食，感覺檔次又上咗一層樓🙌🏻 食落除咗皮脆肉嫩，雞肉本身嘅香味吸引到我哋注意⚠️ 呢種雞香喺市面其他類似炸物實屬少有，大真係個 sweet surprise 😇
<大薯條>
條條香脆熱辣辣，大部分都好長好完整，份量好多，沾醬食慢慢傾計啱晒😙
主食揀咗 <霸氣雙層安格斯芝士漢堡> 同 <干島脆脆哈蝦蝦漢堡>～
<霸氣雙層安格斯芝士漢堡> 包如其名，霸氣滿瀉😎 R 個口擘到最大都咬唔晒個包，結果用叉拆細食😂 兩塊安格斯牛扒重量級，啖啖juicy 😍 只要鍾意食牛肉，都必定會好享受呢個 burger 🤤
<千島脆脆哈蝦蝦漢堡> 唔似市面其他蝦堡，中間夾住蝦餅，而係真材實料將原隻炸蝦夾喺中間，食蝦感夠晒真實🤭 成個包食落香甜好味😚
喺 <Burger Shot> order 套餐真係好抵食，食完要捧住個肚走😝 喺道 lunchtime 外賣自取仲有全單9折（堂食食物上菜都係外賣包裝，實測外賣盒好結實穩陣，唔怕嘢食送到散晒頹晒👍🏻）🤩 咁抵咁正真係唔可以冇人講📢
P.S. 餐廳冷氣好足夏天嚟食都唔怕熱🌬️ 亦有有蓋露天位坐☂️
蕃茄濃湯
0 瀏覽
0 讚好
0 留言
大薯條
0 瀏覽
0 讚好
0 留言
脆炸雞塊
0 瀏覽
0 讚好
0 留言
脆炸雞塊
0 瀏覽
0 讚好
0 留言
霸氣雙層安格斯芝士漢堡
0 瀏覽
0 讚好
0 留言
千島脆脆哈蝦蝦漢堡
0 瀏覽
0 讚好
0 留言
張貼
