喜萬年酒樓

營業中

休息中

例牌叫咗春卷，春卷炸得個皮好脆，都幾好食。蝦餃真係出色，內涵嘅蝦有好多隻，好足料，咬落彈牙，味道調得剛剛好，個皮又好薄，新鮮出爐，熱辣辣好好食。馬拉糕整得唔係好甜，個糕亦好有彈性，好好食。山竹牛肉球，牛肉球咬落入面唔會話有啲根咁咬唔爛，整粒都琳琳滑滑咁，個味亦調得啱啱好，值得一試。見到隔籬枱叫左個金黃色好大籠嘅食物，賣相好吸引，所以就跟住你叫咗一個，佢係花膠栗米蒸蝦滑，好大籠，花膠好大塊，蝦滑好多，粟米又好甜，好好食。好耐冇食鍋貼，叫咗一碟，煎得唔夠香脆，但涵料就好足，食一個都好飽 。