東記上海麵

營業中

休息中

好多名物好多時都係被吹噓過度名過於實，呢一間都唔例外，佢唔係唔好食，不過冇想像中咁好食，同埋唔值得排隊，冇期望就冇失望。聽講炸醬好好食不過我哋去到嘅時候已經售罄，結果我哋買咗啲食嘅豬扒同雞翼配菜肉雲吞麵，另外就叫咗一碗榨菜肉絲麵。豬扒連骨都幾大塊，無油益味，不過就有少少韌，另外因為一早炸定晒所以有少少皺皮。炸雞翼有4隻，味道不及豬扒，有少少雪味。炸菜肉絲唔錯，不過d肉絲嘅份量真係好少。佢嘅菜肉雲吞都幾好味，但係3碗麵嘅鹼水味比較濃，可能趕時間未chok乾淨。