我是珍奶狗 (已結業)

今日約埋兩個姊妹去朋友屋企打番幾圈，然後就叫外賣嘢飲去朋友屋企飲。有得選擇嘅當然係選擇 「黃店」，我就選擇咗呢間外帶台式茶飲店 - 我是珍奶狗。奶綠燒仙草，就係綠茶 + 牛奶 + 燒仙草飲落去勁有台灣味道，仙草煙煙靭靭又滑嘟嘟，其實有啲似涼粉咁樣，有回甘味 ; 我之前未飲過綠茶加牛奶， 我自己覺得係一個幾特別嘅味道，有牛奶香又有綠茶香，不過就好似牛奶嘅比例多咗啲，有少少cover咗綠茶嘅原本味道，味道唔算係太甜，都幾好飲。下次都會再試下第二啲飲品