錦麗 (創紀之城五期(apm))

營業中

休息中

今天行完工業大廈睇傢俬，見餐廳人龍唔長，一於試下這人氣餐廳。見報道説這湯底是全越南最好味的，坦白説食過越南的越南粉不是最令我回味，最好味的是在利園安南或在灣仔的悦木的牛肉粉。今天要試試這麼多好評的一家餐廳。這兒的餐牌只有一張紙：五款牛的粉麵同四款小食及十款飲料，選擇唔多。錦麗綜合粉$58綜合粉的餸有生熟牛肉同牛丸，湯底是淺黃色的清湯，少少上湯的味道，味道未有想像中濃郁，但尚算及格，感覺普普通通而已。生牛肉未夠嫩滑，有點鞋；熟牛肉比較肥但軟稔，味道淡淡的，牛肉味唔強；牛丸是三款之中算是最好的，入口彈牙有少少肉味。而河粉是滑滑的，未見有米漿味道但口感不錯，唯湯底十分淡口，所以未有echo 之意。蝦餅$38有四小件，但炸得比較油膩。口感不錯，有少量馬蹄，蝦肉同幾多的芫茜，味道中規中舉。越南滴漏咖啡$25咖啡味道十分濃郁而帶甘苦味，拌勻底下的煉奶，味道變得滑而香甜，雖然個人喜歡濃啡，但這杯也真的有點濃。如果人龍唔長，一試無妨因為價格唔貴，但echo的可能性唔高。