一糖 (屏山)

營業中

休息中

專登試佢出名嘅窩夫🧇食物賣相係吸引嘅，窩夫都整得外脆內軟，但味道方面好普通，叫左抹茶同珍珠奶茶兩款口味，但兩種味都好輕微，食落好似淨係得個甜。見到好多人推薦，試完有少少失望😕🧇🍵抹茶麻薯窩夫$55窩夫有少少麻薯係中間，配抹茶雪糕、紅豆同忌廉，本身依個組合應該唔差，但我食落嘅感受係每樣食材都ok但又樣樣都差少少。窩夫同雪糕嘅抹茶都唔明顯，得個甜，難得佢嘅窩夫整到外脆內軟，可惜左😕🧇🧋黑糖珍珠奶茶窩夫$60窩夫同樣夠脆口，但珍珠奶茶個味道都係太淡，同埋係香精味。珍珠好硬身乾身，成粒都係粉咁，好少食到咁差嘅珍珠🥲🙈雪糕都係好普通個種，食唔出牛奶味，都係得甜味。可能期望太大所以失望都大啲🙈今次淨係試左窩夫，整體製作都有誠意嘅，希望味道上一些小細節可以改良下。