影片
更多
2021-05-12
203 瀏覽
同家人去九龍城行下，順便食晏。家人話想食東南亞嘢，見呢間餐牌有好多選擇，所以決定試下呢間。本身係推開左邊「越南」嗰間度門，但入面無人而且有個侍應(1號)手指向我哋嘅右邊，咁就行兩步去右邊再推開「泰國」餐廳度門。一入到去侍應(2號)問你幾多人，答咗，然後叫你自己揾位坐，再温馨提示你嘟安心出行。。。侍應(1號)叫我哋手機落單，不過有兩個餸揾唔倒，叫番佢嚟問嗰兩個餸可唔可以手寫，擾攘咗一陣，2號侍應好主動行過嚟「幫忙」。講多一次我哋遇倒嘅困難同要求，佢跟住就好大聲咁講：「你做畀我睇你點揾吖！點解無！個個都係咁落單。。。」。唔該晒！鮮蝦卷，完全無味道，一定要點個汁先叫做入倒口。啲米紙都比較硬，個要少少力咬先得。馬拉盞咸魚炒椰菜苗，個獻好杰，似甜辣醬；唔覺有咸魚味；係椰菜仔而唔係椰菜苗。串燒沙嗲，我哋豬牛雞各兩串，但上枱多咗串雞少咗串豬。同侍應講，2號仔未睇碟餸又唔聽我哋講就大大聲話你哋每樣要兩串嘛，咪係囉。後來佢終於知嚟錯咗，就叫侍應1號處理。似乎豬牛雞同係同一種醃料，甜甜哋，同雞肉夾嘅，但同豬牛就一般。而且牛肉燒得太耐，好乾，得有啲攰。越南咖喱雞煲。個人覺得係最好食嘅，只係個咖哩好甜，食幾
本身係推開左邊「越南」嗰間度門，但入面無人而且有個侍應(1號)手指向我哋嘅右邊，咁就行兩步去右邊再推開「泰國」餐廳度門。一入到去侍應(2號)問你幾多人，答咗，然後叫你自己揾位坐，再温馨提示你嘟安心出行。。。
侍應(1號)叫我哋手機落單，不過有兩個餸揾唔倒，叫番佢嚟問嗰兩個餸可唔可以手寫，擾攘咗一陣，2號侍應好主動行過嚟「幫忙」。講多一次我哋遇倒嘅困難同要求，佢跟住就好大聲咁講：「你做畀我睇你點揾吖！點解無！個個都係咁落單。。。」。唔該晒！
鮮蝦卷，完全無味道，一定要點個汁先叫做入倒口。啲米紙都比較硬，個要少少力咬先得。
馬拉盞咸魚炒椰菜苗，個獻好杰，似甜辣醬；唔覺有咸魚味；係椰菜仔而唔係椰菜苗。
串燒沙嗲，我哋豬牛雞各兩串，但上枱多咗串雞少咗串豬。同侍應講，2號仔未睇碟餸又唔聽我哋講就大大聲話你哋每樣要兩串嘛，咪係囉。後來佢終於知嚟錯咗，就叫侍應1號處理。
似乎豬牛雞同係同一種醃料，甜甜哋，同雞肉夾嘅，但同豬牛就一般。而且牛肉燒得太耐，好乾，得有啲攰。
越南咖喱雞煲。個人覺得係最好食嘅，只係個咖哩好甜，食幾舊已經好膩。法包好脆。
越式炒檬粉，味道正常，啲餸有啲少。
食物選擇真係多嘅。可能咁啱揀嘅都唔太啱口味，感覺好普通。
張貼
