Cucina

今日好夜先過到嚟食飯，親人已經喺同一層隔離餐廳用膳，佢哋話過嚟呢邊飲嘢，所以我就過嚟食飯，可能因為我心急太趕食飯，我覺得佢哋比菜單同加水都比較慢，幫我墊餐巾嘅員工係輕輕拋落嚟。食物❤️❤️❤️❤️個牛扒幾好食，個黑松露粉中上份量❤️❤️❤️❤️夠飽嘅，唔錯環境❤️❤️❤️❤️都可以，舒適服務❤️好一般，完全唔似係酒店嘅服務，可能員工準備交更或者想收工，見到我哋差唔多九點鐘入去好似唔太想招呼我哋，我哋八個人得兩個人食正餐，其他都係飲嘢，但我覺得無論點都好，服務可以好返少少，服務好過佢但好食過佢嘅都好多。價錢❤️❤️❤️酒店來講唔算貴，價錢中上，而且都好食總括來講，我應該未必再嚟，喺尖沙咀可以選擇嘅地方好多，唔一定要幫襯呢度，或者多數幫襯嘅人全部都係大陸人，但我係香港人所以招呼不及大陸人優勝。