黃金冰室 (欽州街) (已結業)

呢日去開深水埗行下，晚餐就係深水埗搞掂埋啦，深水埗好多又平又好味既美食，今日食既呢間黃金冰室都係一個好選擇～～晚餐小菜有孖寶套餐，小菜係餐牌上有好多選擇，有廿幾款啦～～揀兩碟小菜，有兩碗白飯，同兩碗老火靚湯～～最後，我揀左西檸雞同黑松露大蝦炒蛋，上菜都算快，good~~西檸雞，份量都幾多下，炸得香脆，西檸汁酸酸香香，好開胃，好好送飯，仲有幾片檸檬伴碟，good!黑松露大蝦炒蛋同樣大大碟，好香黑松露味，大蝦爽口脆口，配上嫩滑炒蛋，good!