雲桂香米線專門店

營業中

休息中

以前譚仔未咁成行成市嘅時候，我已經好鍾意食米線，有一排成日都食雲桂香。見好耐冇食過，所以今日經過雲桂香就想回味下。一坐低係卡位，見到枱面有好幾隻小昆蟲，即刻嚇到轉枱。我有同店員反映，但似乎佢哋都係無動於衷。我哋叫咗豬軟骨芥蘭米線，同埋雞絲魚肉豆腐米線。湯底都幾惹味，入面有芽菜，肉碎，酸菜等配料，但米線份量比以前少咗好多。豬軟骨雖然炆到好稔，但真係咸到不得了，食完真係好口渴。魚肉豆腐係新鮮炸起，味道唔錯。雞絲唔算鞋口，味道都正常。希望下次再嚟雲南香食物質素同衞生都會有改善。