コメダ珈琲店

營業中

休息中

今日一心去黃埔食，用app攞咗飛，去到過咗4個，立即到收銀櫃檯補飛，因為5個號碼內可以補，有一位扎辮收銀員幫我登記返，跟隨我後面仲有一位男士都要補飛，等咗幾分鐘，個扎辮收銀員就叫咗我後面嗰位男士嘅號碼，我隨即上前提示返收銀員係我先，佢仲好不悅話嗰位男士補飛先過我，好惡話下一張就到我，我報到先，號碼又先過嗰位男士，點解要下一張先到我，佢做錯，態度差，點解仲講到係我唔啱咁呢？！講返餐飯，入到去環境係一秒去到日本咁，食物整體都算可以嘅。食咗’炸豬扒方堡’麵包好鬆軟，味道係好好，塊豬扒就薄咗d。牛奶咖啡味道正常，本來係點’紅荳小町櫻’轉豆奶，但拎到嚟話無豆奶轉咗牛奶，點解唔係問咗客人接唔接受先沖呢，有d奇怪🤔。另外點咗’Komeda迷你拼盤’,呢個好味👍🏼，價錢合理。必點’冰與火’,呢個唔洗講係日本嘅味道，正！總結係個職員令到餐飯扣哂分，一肚氣，試一次就算。