影片
更多
2023-07-27
23 瀏覽
尖沙咀最近新開咗唔少日式餐廳， 而我最鐘情都係鐵板燒🥰 原因係喺屋企根本模仿唔到，因為屋企冇一個咁熱嘅鐵板😆 高溫嘅鐵板可以神速鎖住食物嘅鮮味同水份， 所以特別美味😎 除咗味覺外，視覺同埋與料理長嘅交流都係鐵板燒獨一無二之處🫰 今日去咗尖沙咀廣東道試下 <媄> 鐵板燒日本料理和酒，餐廳融合咗傳統同創新嘅做法，盡顯食材嘅優勢🤩 料理長又風趣又有型😎成個日籍主廚咁🥰 係一餐非常輕鬆愉快嘅用餐體驗☺️🌟 臣Omakase $1080 餐廳有三張長嘅鐵板燒吧枱，其中一張係房內，今日揀咗其中一個餐臣Omakase，都有唔少嘢食，呢個價位性價比唔錯🤩🌟粟米凍湯配荔枝漬蕃茄粟米凍湯好清新，上面仲有一片燒過既日本粟米， 另外漬蕃茄都好入味， 唔錯嘅開胃菜🫰🌟龍蝦汁蒸蛋個蛋係即刻蒸㗎，料理長好細心監察蒸蛋時間，確保係最滑嘅時間俾客人食，果然時間啱啱好，入口即化，配埋非常香濃嘅龍蝦汁，超好味🥰🌟白蝦元貝我非常喜歡呢個菜式，白蝦煎得非常香，包住喺入面嘅元貝生熟度啱啱好，食到兩個口感，另外淡雪鹽輕輕吊起嘅鮮味都係一絕😍🌟新鮮松葉蟹春捲配自家製黑醋汁春卷個皮好薄而脆，裡面嘅松葉蟹肉好多，配黑醋汁
🌟 臣Omakase $1080
餐廳有三張長嘅鐵板燒吧枱，其中一張係房內，今日揀咗其中一個餐臣Omakase，都有唔少嘢食，呢個價位性價比唔錯🤩
🌟粟米凍湯配荔枝漬蕃茄
粟米凍湯好清新，上面仲有一片燒過既日本粟米， 另外漬蕃茄都好入味， 唔錯嘅開胃菜🫰
🌟龍蝦汁蒸蛋
個蛋係即刻蒸㗎，料理長好細心監察蒸蛋時間，確保係最滑嘅時間俾客人食，果然時間啱啱好，入口即化，配埋非常香濃嘅龍蝦汁，超好味🥰
🌟白蝦元貝
我非常喜歡呢個菜式，白蝦煎得非常香，包住喺入面嘅元貝生熟度啱啱好，食到兩個口感，另外淡雪鹽輕輕吊起嘅鮮味都係一絕😍
🌟新鮮松葉蟹春捲配自家製黑醋汁
春卷個皮好薄而脆，裡面嘅松葉蟹肉好多，配黑醋汁非常夾😍
🌟鯛魚立鱗燒配酸菜魚汁
立鱗燒賣相好好，每一塊魚鱗都係香脆豎起，魚肉仲係好嫩滑，功架十足😎 最有特色係竟然用上酸菜魚汁，但醬汁以偏日式嘅做法做，好易入口，非常推介😎
🌟南非鮑魚
清酒煮鮑魚，香嫩有口感，食多幾舊都冇問題😂
🌟濱燒石垣貝
呢個真係非常鮮甜好味，個殼唔算大但貝肉又大又厚😍 料理長非常認真拿捏燒烤時間，入口爽彈，有燒烤嘅香味，真係回味無窮🤩
🌟沙巴虎蝦
食材之王，手臂咁長嘅虎蝦🤩 料理長起肉煎香再配以蟲草花醬同蝦膏煮出醬汁，肉質爽彈，非常好食。 料理長會攞蝦頭及蝦殼去煮湯，令我好期待稍後嘅味噌湯🥰
🌟鵝肝
講真未食過咁大片嘅鵝肝，正如之前講鐵板嘅高溫可以迅速鎖住水份同埋煎香食材嘅表面，呢種煮法對於煮鵝肝非常之重要，料理長會用鵝肝配多士同埋蘋果醋醬，無論口感同油膩感都平衡到，鐵板燒必食🫰
🌟美國牛肉
肉類方面，兩個套餐我哋牛豬各一，我要求medium，同上枱嘅情況一模一樣，配埋少少芥辣同埋昆布食，正😎
🌟日本鹿兒島黑豚肉
豬肉我哋都係揀咗厚切，配咗個梅醬，另有一番風味😎
🌟炒飯
料理長用高菜同少少沙律醬炒飯，雖然冇任何肉類但係個飯好香同好乾身，味道又好，想食多一碗🤣
🌟炒野菜
鐵板燒必有嘅炒野菜，小小一碗熱辣辣嘅炒菜已經非常滿足😌
🌟味噌汁
同普通味噌湯完全唔同，蝦味非常出，之前都試過用龍蝦頭煮湯，我覺得用沙巴虎蝦頭同殼煮都唔錯喎🤩
🌟甜品
焦糖烤多士配雪糕，睇下烤得幾靚😍😍 條條香脆甜美，食唔停手🤣 另外雪糕仲有兩款選擇，有柚子同埋芝麻，兩樣都唔錯，不過我哋都覺得柚子雪糕襯多士係正啲🥰
餐廳原來開咗唔係好耐，大約三個月左右，但係嗰日都全場爆滿呀😀 食物質素真係好好，而且煮法又有新意，真心推介🥰 都係嗰句，係屋企係唔會煮到呢個效果㗎，想食鐵板燒既朋友記得mark低啦😎
張貼
