影片
更多
2023-01-11
3042 瀏覽
呢間店喺K11 Musea入面，價錢唔算貴，環境舒服，裝修整體都算係有格調！因為晚餐時間去都等左約半個鐘左右先入得，座位闊落，週末好多一家大細食飯。一間幾唔錯嘅越南菜餐廳，啱哂喺商埸行完街去食，等緊位仲可以到附近行下！✨牛丸、生牛肉雙拼湯河 $118★★★★☆個湯底清得黎好濃郁牛味，用黎配河粉食一流，河粉唔會太淋身索埋啲湯汁，好正。牛丸有3粒，食落有驚喜，個牛丸勁彈牙，牛味好重得黎好JUICY，讚！生牛肉就正正常常，冇話太特別。✨炙燒牛柳湯粉 $108★★★★☆個湯底依舊係牛湯，而主角炙燒牛柳會分開另上，個牛柳已經切好一件件，每一件都五至六成熟左右，見到仲係帶紅，但唔會血淋淋帶血水。入口超級軟稔兼多汁，個肉已經醃製左，所以係超級夠味，單食仲有少少過咸，但餸河粉一齊食或者配埋佢本身嘅蔥同墊底嘅紫洋蔥食就OK。佢食落仲帶啲炙燒風味，好惹味，相對生牛肉、雞絲個啲會較重口味。✨河內蕃茄蟹檬 $90★★☆☆☆一黎到望到好豐富咁，加上聞落好香蟹同番茄味，諗住一定好濃好正，點知聞同食係兩回事。個海鮮濃湯湯底都幾清淡，只係有微微海鮮味加番茄味，絕對唔香濃。因為湯底唔濃郁，連帶本身都唔索味嘅檬粉，食落更
牛丸、生牛肉雙拼湯河
$118
53 瀏覽
0 讚好
0 留言
★★★★☆
個湯底清得黎好濃郁牛味，用黎配河粉食一流，河粉唔會太淋身索埋啲湯汁，好正。牛丸有3粒，食落有驚喜，個牛丸勁彈牙，牛味好重得黎好JUICY，讚！生牛肉就正正常常，冇話太特別。
炙燒牛柳湯粉
$108
39 瀏覽
0 讚好
0 留言
炙燒牛柳湯粉
$108
63 瀏覽
0 讚好
0 留言
★★★★☆
個湯底依舊係牛湯，而主角炙燒牛柳會分開另上，個牛柳已經切好一件件，每一件都五至六成熟左右，見到仲係帶紅，但唔會血淋淋帶血水。入口超級軟稔兼多汁，個肉已經醃製左，所以係超級夠味，單食仲有少少過咸，但餸河粉一齊食或者配埋佢本身嘅蔥同墊底嘅紫洋蔥食就OK。佢食落仲帶啲炙燒風味，好惹味，相對生牛肉、雞絲個啲會較重口味。
河內蕃茄蟹檬
$90
34 瀏覽
0 讚好
0 留言
★★☆☆☆
一黎到望到好豐富咁，加上聞落好香蟹同番茄味，諗住一定好濃好正，點知聞同食係兩回事。個海鮮濃湯湯底都幾清淡，只係有微微海鮮味加番茄味，絕對唔香濃。因為湯底唔濃郁，連帶本身都唔索味嘅檬粉，食落更加冇味道。同牛肉湯河相比差好遠，佢只係個湯底色水望落濃。有蟹肉正常唔會梅，鮮蝦丸應該係自家制，味道其實唔錯，餡料都足食得出，但個口感好怪，超級淋，一啲口感都冇好似俾小朋友食咁。
燒豬肉丸腩肉三文治
$78
13 瀏覽
0 讚好
0 留言
★★★★☆
個麵包都香脆，配埋燒豬肉丸腩肉好惹味，真係唔錯。佢入面仲有啲蔬菜、紅白蘿蔔絲，但如果紅白蘿蔔絲醃左嘅話會更有風味，同埋個醬汁唔夠多，食落偏乾身左小小，但個肉丸同腩肉都係好食，夠哂味道。
順化蔗蝦
$98
17 瀏覽
0 讚好
0 留言
★☆☆☆☆
呢個有啲唔知係點食，個一餅餅米粉好寡就算點左個酸甜醬，你話夾個甘蔗蝦又唔得。因為個甘蔗係唔食得，變相你要分開咬一啖個肉出黎再夾個米粉食，就算夾左一齊食都唔會話好味好多，成件事好怪。單食個蔗蝦似係魚蛋咁嘅口感，唔太食得出係蝦肉。個賣相睇得但唔好食。
✨牛油果沙冰 $48
★★★★☆
呢個超級讚，好有驚喜，試完真係對佢念念不忘，拍得住出面飲料鋪手搖。成個味道好清新唔人工，口感好濃厚，唔會太甜，味道剛剛好。唔會係超草青味道嘅牛油果，即使唔愛牛油果既人應該都接受到，但一杯飲哂都幾飽，因為真心真材實料，建議2人Share飲。
✨芒果熱情果沙冰 $48
★★★☆☆
反而呢杯就正正常常，有對比有傷害，佢飲落比較係人工甜味多，似係用水果糖漿加水果整出黎，唔算特別推薦大家飲。
🌟總括：牛河好食，牛油果沙冰必點，三文治都唔錯。種類多份量都大份，適合幾個朋友屋企人食。
張貼
