影片
更多
2025-03-27
0 瀏覽
用餐時間：2025年3月26日 約18:30舖頭係一田超市個邊（我多數係ＭＴＲ 層行所以我都搵左一段時間先搵到😂），比較細間，到達時已經要等位，但只係等左幾分鐘，冇問題。但因為舖位較細，所以座位都比較逼。客人係睇到廚房，見到師傅手拉Pizza 同煮意粉，好似會安心啲。唔知係咪因為啱啱開張，所以食物選擇不多，只有幾款Pizza 同幾款意粉揀。今次同友人叫左一款Pizza 同一款意粉，分別係「博多明太子煙肉意粉 $78」&「白雪蜜糖芝士薄餅 $68」，要加一。Pizza 先上，咸香嘅芝士加埋微甜嘅蜜糖係幾好食嘅，但略嫌餅底太薄，應該只有2mm 左右。後上嘅意粉熱辣辣，仲附送一隻蛋，店員有介紹話係打埋落個意粉度撈好再食，但撈左之後就冇乜明太子味，只係冊普通嘅卡邦尼咁上下味，而且忌廉汁較稀，所以兩者選擇會比較鐘意Pizza。餐廳有兩個樓面，黑TEE女侍應態度不錯，跟我有說有笑的，但另一恤衫男(經理/店長?)就一般，神態比較茫然，不知是否新開張比較多野忙所致。最後講下價錢，因我未係日本食過呢間餐廳，我有專登GOOGLE 下睇下日本嘅Parmenara 幾錢先，原來都只不過係600幾-700幾Ye
用餐時間：2025年3月26日 約18:30
舖頭係一田超市個邊（我多數係ＭＴＲ 層行所以我都搵左一段時間先搵到😂），比較細間，到達時已經要等位，但只係等左幾分鐘，冇問題。但因為舖位較細，所以座位都比較逼。客人係睇到廚房，見到師傅手拉Pizza 同煮意粉，好似會安心啲。
唔知係咪因為啱啱開張，所以食物選擇不多，只有幾款Pizza 同幾款意粉揀。
今次同友人叫左一款Pizza 同一款意粉，分別係「博多明太子煙肉意粉 $78」&「白雪蜜糖芝士薄餅 $68」，要加一。
Pizza 先上，咸香嘅芝士加埋微甜嘅蜜糖係幾好食嘅，但略嫌餅底太薄，應該只有2mm 左右。後上嘅意粉熱辣辣，仲附送一隻蛋，店員有介紹話係打埋落個意粉度撈好再食，但撈左之後就冇乜明太子味，只係冊普通嘅卡邦尼咁上下味，而且忌廉汁較稀，所以兩者選擇會比較鐘意Pizza。
餐廳有兩個樓面，黑TEE女侍應態度不錯，跟我有說有笑的，但另一恤衫男(經理/店長?)就一般，神態比較茫然，不知是否新開張比較多野忙所致。
最後講下價錢，因我未係日本食過呢間餐廳，我有專登GOOGLE 下睇下日本嘅Parmenara 幾錢先，原來都只不過係600幾-700幾Yen，但我明白香港同日本兩個不同地方，唔可以就咁比較。但傳媒早幾日報導此餐廳以「薩莉亞即將有勁敵？日本平民意粉薄餅店Parmenara即將登港！」為題，我仲以為會同薩莉亞差唔多價，咁睇黎呢間Parmenara 都幾難做到薩莉亞嘅「勁敵」啦。
白雪蜜糖芝士薄餅 及 博多明太子煙肉意粉
350 瀏覽
0 讚好
0 留言
張貼
