杏甜品 (豉油街) (已結業)

喺尖沙咀區同朋友食完飯諗住搵間糖水舖食吓傾吓偈 有個朋友話book mark咗呢間一直想試嘅甜品！ 係位於尖沙咀加拿分道杏甜品！ 只能講趕上到去環境非常擠迫 好似背脊貼住背脊咁坐 我哋三個人佢安排二人枱 但啲waiter又唔幫手擔張凳過嚟 然後又逼人哋一定要電子支付 但又唔接受Apple Pay 我哋叫咗個雙皮奶加咗小芋圓 ($57)賣相係精緻 食落味道唔錯，雙皮奶奶味濃郁！另外朋友叫咗個雙皮奶加桃膠（ $57 ）佢就話桃膠比較淡味 但連埋雙皮奶一齊食都幾match呢度嘅甜品其實幾精緻同幾靚，難怪吸引咗好多人嚟排隊！但waiter嘅態度真係有待改善！