點煲 (新港城中心(4期)) (已結業)

星期日下晝係新港城食咩都要排隊等位，見到有餐廳唔駛等位自然行過去望下餐牌啦，係飯，仲要係主打煲仔飯同煲仔菜，夏天食煲仔飯真係少之有少，一於入去試試佢~呢到裝修係走懷舊風，地下鋪哂80年代好興嘅紙皮，牆上面都有唔少嘅仿霓虹燈牌。落order係自己掃QR Code落，其實價錢都幾貴，叫左個安格斯牛窩蛋煲仔飯108，豉仔排骨鳳爪煲仔飯同埋煲仔魚香茄子配白飯，先上枱嘅係牛肉窩蛋，店員會拎埋個小沙漏過黎，叫等沙漏漏哂先打開蓋，焗一焗啲牛肉，時間到打開蓋，又幾香喎牛肉呢個時候係半熟，加少少佢支秘製豉油，幾正，煲邊都做到小小飯焦幾好，唯獨係份量偏細跟手上枱係豉汁呢個，正常水平無咩特別嘅，午餐煲仔飯係無跟野飲嘅，叫左罐王老吉定加多寶，然後就估到呢間餐廳應該係太興集團嘅產物，因為竟然有太興自己嘅罐裝飲料出現。煲仔菜魚香茄子熱辣辣上枱，好夠熱，差啲"辣"親條脷，味道唔錯，係無乜鹹魚香味同肉碎少左啲，得呢個係有跟餐飲品，叫左壼菊花杞子3個人share。整體味道都幾好，係衰太貴姐，唔會成日食