影片
更多
2018-05-23
337 瀏覽
同兩位好友嚟到西貢揾食，7點鐘已經見到餐廳已經坐咗8成滿。天氣酷熱食下泰國嘢都幾啱feel, 我哋決定入去試一試，一行三人坐咗喺餐廳內正中間的四人枱。餐廳其實好細，加埋室外兩張枱，應該只得10張枱到。餐廳佈置同一般泰國餐廳一樣，好有泰國特式，木質餐枱椅配上柔和黃燈，仲有唔少有宗教氣息掛畫及擺設，感覺都算舒服。食物好快就上枱，我哋叫咗青咖哩雜菜配薄餅，咸肉炒椰菜苗，串燒同泰式鳳爪沙律。青咖哩雜菜先上，咖哩汁非常稀，直程係液體流質！份量少不在話下，味道亦唔好。青咖哩顏色足夠，但完全食唔到青咖哩的味道，無味嘅程度加上液態程度，我會改名叫佢”青水”。因為咖哩太稀，薄餅完全黏唔到咖哩汁，所以根本就係又硬又粗糙又無味又唔熱的麵粉餅。炒椰菜苗，算係炒得嫩綠，味道普普通通，同自己喺屋企炒嘅分別不大。泰式鳳爪沙律，算係做得比較好嘅一碟。無骨鳳爪一隻切開兩邊，配上洋蔥絲，芽菜絲等，加埋個辣辣地嘅醬汁，幾惹味。串燒係最後上的，豬牛雞各兩串，味道尚好，肉質亦不會燒得太趕太粗。全晚最滿意，算係呢一碟。最後我想講吓我杯青檸梳打，完全無青檸味，青檸得⼀薄片，篤到爛晒都無味。我想將隻杯移開方便進食，點知個杯嘅外圍極度
餐廳其實好細，加埋室外兩張枱，應該只得10張枱到。餐廳佈置同一般泰國餐廳一樣，好有泰國特式，木質餐枱椅配上柔和黃燈，仲有唔少有宗教氣息掛畫及擺設，感覺都算舒服。
食物好快就上枱，我哋叫咗青咖哩雜菜配薄餅，咸肉炒椰菜苗，串燒同泰式鳳爪沙律。
青咖哩雜菜先上，咖哩汁非常稀，直程係液體流質！份量少不在話下，味道亦唔好。青咖哩顏色足夠，但完全食唔到青咖哩的味道，無味嘅程度加上液態程度，我會改名叫佢”青水”。
因為咖哩太稀，薄餅完全黏唔到咖哩汁，所以根本就係又硬又粗糙又無味又唔熱的麵粉餅。
炒椰菜苗，算係炒得嫩綠，味道普普通通，同自己喺屋企炒嘅分別不大。
泰式鳳爪沙律，算係做得比較好嘅一碟。無骨鳳爪一隻切開兩邊，配上洋蔥絲，芽菜絲等，加埋個辣辣地嘅醬汁，幾惹味。
串燒係最後上的，豬牛雞各兩串，味道尚好，肉質亦不會燒得太趕太粗。全晚最滿意，算係呢一碟。
最後我想講吓我杯青檸梳打，完全無青檸味，青檸得⼀薄片，篤到爛晒都無味。我想將隻杯移開方便進食，點知個杯嘅外圍極度痴笠笠，搞到我一手都係！
我諗，西貢有更多其他好選擇。山長水遠入到去，我覺得值得揀間好少少嘅食。
張貼
