夢 (已結業)

自從日本開始排放核污水，食日本海產都有少少戒心，所以如果食嘅次數少咗，我就要揀一間質素好嘅嚟食今日就去咗蘭桂坊一間叫夢嘅Omagase，朋友話質素高擺設靚，即管去見識吓今期佢哋做緊秋之 Menu開胃頭盤美麗得像幅畫🥰而味道同樣出色：鮮百合南瓜蓉，少甜口感順滑枝豆粟米蓉，口感柔軟，甜味適中蛋黃漬魷魚，互相中和，有濃味又有蛋香芋頭蓉，外層用米通包裹而輕輕炸過，外脆內軟另一個前菜係雪茄嘅造型，加上用炸西米扮煙灰，好搞笑🤣而雪茄兩端分別釀入帆立貝蓉及蝦肉，鮮甜味美刺身三款：石鯛，爽口，魚味稍淡，加酸汁紫蘇花同食，增加不同風味深海池魚，白身魚嚟講，算係油份高，開始食時有D爽口，但愈咬油份愈出，魚味亦都濃鰤魚，用炭火輕輕焫過，炭香味好突出秋刀魚二食，刺身已經搽上醬油，雖然未到最肥美，但都可以止住癮先另外一件用上炭燒，就多咗一份炭香大拖中拖配上酸啫喱片，減輕油脂感但仍食到魚肉香味。燒吞拿魚鮫，由於魚鮫郁動多，油份重得嚟都有咬口，亦都有炭香，好食炸仙鳯趾生蠔，用法國粉絲包住先炸，脆到不得了，而淋面嘅醬汁用上鯛魚肉加骨熬煮，味道濃香清湯配羊肚菌，湯順喉，羊肚菌濃味，兩者好夾壽司三款：魷魚切幼絲配上烏魚子