棽粵 (裝修中)

農曆年快到，梗係要嘆下粵菜，棽粵距離銅鑼灣地鐵站行3分鐘到，位置方便，餐廳嘅裝修高雅舒適，仲可以望埋銅鑼灣嘅夜景，非常chill。最重要佢地係由米芝蓮星級廚師炮製精緻高質粵菜，真心太出色🥰🐷車打芝士五層乳豬乳豬片烤得相當酥脆，伴著醇厚嘅芝士，入口即化，五層夾層嘅乳豬、芝士、青瓜、哈密瓜同吐司，層次分明，口感豐富，一啖食落完全唔覺得油膩。🪿脆皮燒鵝呢道菜都係一絕，皮脆肉嫩，一啖咬落去嘅同時，燒鵝嘅香氣同鮮甜嘅肉汁四溢係嘴入面散開，令人食到停唔到口。🦐金沙巨型虎蝦一上菜就聞到海蝦嘅鮮香，令人食欲大增。虎蝦名副其實嘅巨大，蝦肉飽滿，食落啖啖肉，外面係咸蛋黃醬，蝦肉嘅鮮嫩與咸蛋黃醬嘅濃郁完美結合，讓人欲罷不能。🍽️瑤柱蔥香煎絲苗呢道菜將瑤柱嘅鮮美與蔥香嘅獨特香氣完美結合，煎至金黃嘅絲苗更加增添咗幾分誘人嘅風味。喜歡香口點嘅可以單食，而點落湯到食又有另一番風味。🥣四施川貝雪梨茶&生磨杏仁茶四施川貝雪梨茶，茶中嘅菊花原來係用豆腐雕琢而成，勁考功夫，雪梨茶淡淡嘅甜味同清香，而生磨蛋白杏仁茶則係醇厚香濃滑順，有濃郁嘅杏仁味。