麻辣派對 (瑞生酒店) (已結業)

不嬲都鍾意食辣同食川菜，今日朋友帶左我去佢成日推介既—麻辣派對。餐廳好易搵位置好顯眼，上面有個好大既紅色招牌寫著麻辣派對🌶係地面confirm左booking之後就搭餐廳內置既lift去到一樓既餐廳。行出lift門果下見到餐廳既佈置忍唔住「哇」左聲🤣🤣餐廳既裝飾真係好得意🤣啲燈五顏六色暗暗地，大大聲播住流行曲，啲歌詞投射喺牆上面，搞到好似真係身處係個party入面咁🎉我地叫左四道菜。首先上左兩個小菜先～🥚燒椒小皮蛋($68)譚仔嗰啲尖椒皮蛋就食得多，但鵪鶉蛋咁大粒嘅小皮蛋真係第一次食。麻辣味一路湧出來，一啖一粒咁食，好爽！🧄鮮椒爽脆生腸($78)生腸份量幾多，口感爽脆，配上蒜蓉辣椒同青瓜，成碟濃郁得來又幾清新。超開胃，越食越過癮！跟住就係主菜～🐟桂花水煮魚($298)我哋揀咗桂花魚，貪佢冇骨同埋啖啖肉😬果然係一分錢一分貨，超嫩滑！佢唔係嗰啲得香味食落去無咩味既死辣，都幾重口味又唔會遮蓋左魚本身既鮮味。鍋入面除咗魚仲有粗薯粉同炸豆腐粒(唔係豆卜)，吸晒啲味好正，食完勁飽！🐚椒鹽鮑魚一疊八粒都算幾多，佢起埋肉比我地食好方便。鮑魚唔腥好新鮮，配埋椒鹽，爽口鮮味得黎好惹味👍🏻值得推介～我地仲有