豐味車仔麵

營業中

休息中

豐味車仔麵食過好多次，但就未試過酸辣粉，坊間食過唔少酸辣粉，好多都唔係咁好味，都想比較下呢間有咩唔同。酸辣粉4餸$54今次叫左雞中翼、蠔油冬菇、蘿蔔、貢丸，小酸辣，配菜有榨菜同花生。未食前先試啖湯，湯底酸辣味都做得唔錯，酸辣味道均勻，兩隻味道都算幾平衡，如果可以無咁油同香D就更好☺️雞翼好入味夠晒冧，蠔油冬菇夠厚身又冧，吸收晒湯汁既味道，好惹味🤤，蘿蔔略嫌有d渣，不過夠冧夠入味，薯粉比較圓身偏粗，韌左少少，個人偏好幼薯粉，更加掛汁😋不過整體來講，質素都比坊間好多酸辣粉好。