味千拉麵

營業中

休息中

味千拉麵係好多人嘅集體回憶，我上一次幫襯應該係響荃灣分店，應該有十年八載喇，當時嘅豬骨湯底實在太油膩太重口味，最近發現原來佢同《金色不如帰》係同一集團，就決定比多次機會佢。🥢雞白湯拉麵套餐 $88 (配餃子3隻+荔枝椰椰）⭐️⭐️⭐️湯唔係白色，但入口濃厚，味道似魚翅湯底，我覺得如果叫雞湯拉麵比較合適，拉麵質素普普通通，雞扒唔肥無乜味，整體嚟講一般。🥢麻辣牛舌拼豬軟骨拉麵 $105 （配餃子3隻+巨峰乳酸梳打）⭐️極少牛舌同豬軟骨，反而黐牙嘅牛腩較多，麻辣湯底唔算好辣同麻；餃子比想像出色，皮唔會太厚，不過試一次就夠。二人共消費：$193