影片
更多
2023-03-15
24 瀏覽
又到左每周番工嘅第一日，同女朋友由太子站行番屋企途中見倒一間酒吧，睇左Openrice見倒佢主打好多手工啤，雖然今日係星期一，但係都想同朋友Chill下。一坐到入去真係比設計吸引左，因為佢間Bar係魔術主題嘅餐廳，星期三 ~ 日 晚都會有駐場魔術師表演，不過去個日係星期一，下次一定會再同朋友係weekend去。坐低點左1個小食 + 2個主食 + 手工啤 set鹽酥夜市杏飽菇 ($88)配酒小食頭5名一定有嘅鹽酥夜市杏飽菇，新鮮炸起，食落口感好脆身，配埋個啤酒絕對一流。明太子海鮮忌廉意粉 ($128)佢地意粉種類有好多款，不過女朋友都係鐘意食明太子意粉，首先佢份量真係唔少，如果女仔食好大機會食唔哂，而且入面料有好多八爪魚，蜆肉，櫻花蝦。質素黎講絕對唔會比起中環西餐廳差。飛驒和牛烤芝士手打他他漢堡 ($138)同店員傾計，知道講呢度開左3年，最初係主打賣漢堡包，見餐牌有和牛漢堡即刻叫番個。一上到黎見倒芝士留哂出黎，Size亦好大個。食落去每一啖個和牛肉味都好濃，入面有生菜同蕃茄亦都解左少少油膩感覺。十分推介!!!另外叫左一set Draft Beer.Moon Dog Lager: 呢款
一坐到入去真係比設計吸引左，因為佢間Bar係魔術主題嘅餐廳，星期三 ~ 日 晚都會有駐場魔術師表演，不過去個日係星期一，下次一定會再同朋友係weekend去。
坐低點左1個小食 + 2個主食 + 手工啤 set
鹽酥夜市杏飽菇 ($88)
配酒小食頭5名一定有嘅鹽酥夜市杏飽菇，新鮮炸起，食落口感好脆身，配埋個啤酒絕對一流。
明太子海鮮忌廉意粉 ($128)佢地意粉種類有好多款，不過女朋友都係鐘意食明太子意粉，首先佢份量真係唔少，如果女仔食好大機會食唔哂，而且入面料有好多八爪魚，蜆肉，櫻花蝦。質素黎講絕對唔會比起中環西餐廳差。
飛驒和牛烤芝士手打他他漢堡 ($138)同店員傾計，知道講呢度開左3年，最初係主打賣漢堡包，見餐牌有和牛漢堡即刻叫番個。一上到黎見倒芝士留哂出黎，Size亦好大個。食落去每一啖個和牛肉味都好濃，入面有生菜同蕃茄亦都解左少少油膩感覺。十分推介!!!
另外叫左一set Draft Beer.
Moon Dog Lager: 呢款手工啤同平時飲開嘅啤酒好類似，口味清淡，唔會太苦，岩晒手工啤新手嘅我！
New Zealand Viking 2 Tripple Hopped IPA: 啤酒花同水果味道好出，每一啖都可以感受到水果喺口入面嘅香氣，其中西柚口味突出，中意嘅一定要叫返杯！
Duchesse de Bourgogne: 第一次飲酸啤，估唔到真係同肉類咁夾！第一啖飲嘅時候有少少嚇親，但之後真係越飲越中意，完全可以淡發食物嘅油膩感，配burger一流！
Get On Up! Nitro Mocha Brown Ale: 呢款一定係最特別嘅一款，飲落去好香咖啡味，飲落去一開始苦味較重，慢慢再有mocha 味滲出嚟，飲多幾啖仲好似飲到朱古力味添！
張貼
