木子園 (已結業)

每星期最期待星期五，因為星期六可以睡到自然醒，然後去食個Brunch再shopping。鍾意食點心又鍾意京川菜，上個週末就約埋朋友一起來到，享用2小時任食半自助餐，成人$348(已包茶芥及加一)，另加$188任飲汽水、果汁、支裝啤酒、意大利氣泡酒、紅/白酒、烈酒。木子園裝潢以花卉為主，門面有個鞦韆打卡位，座位舒適，打卡一流。 任食北京填鴨、16款點心、湯品、冷盤、甜品及自選一款主菜，同朋友一齊食就可以試多幾款京川主菜啦。 主菜我推介酸菜魚片，色香味俱全，魚片又滑溜，讓人越食越想食。霸王辣子雞也是我心水，雞粒不會炸得太乾身，可口惹味。  冷盤的紹興酒糟醉雞是必食的，雞肉幼嫩入味，酒糟味剛好﹗湯品有2款，酸辣湯(素) 辣度十足，我就較喜歡鮮甜的蟹肉粟米羹啦，好足料﹗  點心多達16款，當中珍寶蝦餃皇勁大粒，魚肚四寶雞扎用料靚，蟹籽燒賣、陳皮牛肉球、豉味鳳爪、紫薯包、奶黃流沙包等等，應有盡有。 2款甜品也好吸眼球，養顏生磨蛋白杏仁茶，甜蜜楊枝甘露還有球芒果雪糕呢﹗想也不想，每款都來一碗吧﹗