Feast Oyster Bar and Restaurant (已結業)

見到openrice d post, 哇, d 生蠔望落去好肥美，仲要任食有三款蠔揀。即刻約埋朋友仔去食啦。點知一去到，被告知三款蠔由日本/韓國/法國，變成日本/南非/愛爾蘭， 無左法國蠔已經好失望。轉個頭，貌似senior 既員工話，日本飛機打風delay，所以連日本蠔都無。然後，任食既熱食menu，又無咁幾款野食。我哋經openrice 訂位時已經俾左錢，我地亦係朋友小聚特登請假去，就無謂轉場啦。我哋講笑問該位senior 員工你咁多野無係咪請我地飲酒，佢好認真咁講無理由因為要請你地飲酒無左份工。arrr... 需然佢咁講啱，但而家真係圖文不符，餐廳做返少少野條氣會順d ga maa...又唔洗一野就講會令你無左份工既。食物質素來講，鮑魚仔，熱食串燒同炸物係好食既。但主角個兩款蠔，新鮮既，但真係。。。好瘦弱。唔肥美。最後我地再投訴咁多野都無供應有乜嘢可以replace 後，餐廳送左4隻日本岩蠔俾我地。但我哋訂枱係3位。。。送4隻好奇怪laww。。但yee, 又話日本打風既。。。。但送呢幾隻蠔，係堅肥美。環境係好舒服既。但服務來講，似乎後生果批比較好d啦，感覺佢地做野無帶住份負能量。