吉列牛忌廉烏冬專門店 (彌敦道) (已結業)

今日放工約咗朋友食飯，我帶咗佢嚟旺角食吉列牛。依間我已經食過好幾次，覺得味道唔錯，所以都帶咗唔同朋友嚟食！套餐二 $256首先，我同朋友嗌咗一個套餐。套餐有一個吉列牛定食、一個咖喱忌廉雞肉烏冬同兩罐汽水。我哋就冇飲汽水，加咗錢飲其他飲品。定食好豐富，除咗有吉列牛，仲會有白飯、麵豉湯、車厘茄同豆腐。吉列牛外皮香脆，餐廳為提供烤爐俾我哋將吉列牛烤熟，大家可以烤成自己鍾意嘅生熟度。另外，忌廉烏冬賣相好靚，表面嘅忌廉非常多。我會將忌廉同下面嘅咖喱汁撈埋，忌廉烏冬食落較creamy，咖喱帶少少辣。雞肉切到細細粒，而且都幾滑。Kobekyu牛油蜜糖單骨雞翼$68單骨雞翼非常方便進食，加分！雞翼外面佈滿蒜蓉蜜糖醬，非常香，好惹味。雞翼本來炸過，所以食落脆脆地。紫薯latte $25啱啱講到我哋冇飲汽水，價錢入咗其他特飲。我就飲咗紫薯latte，飲品微甜，幾好，而且真係飲到紫薯粒！Rose Garden $18我朋友就嗌咗rose garden。依杯飲品有氣，好fresh，帶有淡淡嘅玫瑰味。