影片
更多
2018-10-14
280 瀏覽
東記應該係成個大埔街市最出名嘅一間鋪頭亦都係最旺嘅一間 星期六過嚟都要等半個鐘先有得食🤥 但係係咪真係咁好食？我自己覺得有啲名過於實😕.🌟雪菜肉絲豬扒上海粗麵$36豬扒係招牌 我覺得唔夠鬆化 肉質偏乾 唔夠脆 好容易痴牙 同埋好大浸油味 雪菜肉絲反而比較出色 應該似係自己整 好夠味 唔會整得好碎 粗麵一夾就斷 質地似平價烏冬 完全唔彈牙 完全唔似上海粗麵.🌟雲吞雞翼米線$36雲吞係細細粒嘅 一共有四粒 豬肉應該有半肥瘦 有少少麻油香 皮夠薄 好食 雞翼比豬扒好食 可能係雞本身啲肉都比較滑啲 同埋有少少脆皮嘅位 亦都冇咁大陣油味 米線正正常常 比較幼果種.成餐飯我覺得最高質嘅係 辣椒油 炒得好香 同埋好似有少少蝦米碎 又唔會太辣 如果有得一樽咁買我會自己買走
.
🌟雪菜肉絲豬扒上海粗麵$36
豬扒係招牌 我覺得唔夠鬆化 肉質偏乾 唔夠脆 好容易痴牙 同埋好大浸油味 雪菜肉絲反而比較出色 應該似係自己整 好夠味 唔會整得好碎 粗麵一夾就斷 質地似平價烏冬 完全唔彈牙 完全唔似上海粗麵
.
🌟雲吞雞翼米線$36
雲吞係細細粒嘅 一共有四粒 豬肉應該有半肥瘦 有少少麻油香 皮夠薄 好食 雞翼比豬扒好食 可能係雞本身啲肉都比較滑啲 同埋有少少脆皮嘅位 亦都冇咁大陣油味 米線正正常常 比較幼果種
.
成餐飯我覺得最高質嘅係 辣椒油 炒得好香 同埋好似有少少蝦米碎 又唔會太辣 如果有得一樽咁買我會自己買走
張貼
