沛

營業中

休息中

成日會喺隔離左右食野，經過見到都有人排隊，加上呢排真係太多廣告呀，social media 介紹，難得今日唔使排隊，就入咗去食！先講嘢食，真係覺得好普通，播返凍到啲飯有啲硬，啲牛肉好鞋，不過啲芝麻真係好香，所以救返少少，overall 差過其他韓式嘅小店！個芝士蛋捲真係太膩，不過我唔怪佢，因為係賣點，自己叫咗就要負責任，不過我建議你哋叫原味！我覺得個泡菜煎餅算唔錯，偏酸嘅我都鍾意， 但係就好燶同埋油膩！芝士泡菜厚豬肉公仔麵，好欣賞佢貼心地問我要唔要小辣，不過小辣咗都係好難，就係當普通一個公仔麵咁，冇乜特別！普通嘅小店味道，不過價錢就一啲都唔小店！好彩我唔使排隊，如果排隊嘅我諗我真係會極度失望！環境算乾淨，不過我今日冇乜人，所以好好最後講返服務，其中一個男店員好好，老闆同其他人就爭少少啦！不過小店冇服務係應該嘅！