Tomacado 花廚

聽同事講，在北京和深圳都有的高級餐廳進駐，即管慕名而來試下！外觀確實裝潢設計都不錯，但食物質素和侍應服務卻非常一般！當晚剛好有很多人去慶生，見到服務員一路推車一路投訴話：今日已經係第五次推呢架生日車啦，唉！都唔知仲要推幾多次呀！聽到真係嚇親我朋友囉！仲要見到班侍應鐘意一路埋單一路講啲客是非！對於在世貿返工嘅我嚟講，間中來幫襯，只感覺完全似去普通西餐廳，唔值畀呢個價錢！而且幾明顯觀察到，著黑色制服的兩位高級少少嘅服務員，若果見到有著得光鮮亮麗嘅客人，就會對人即刻露出啲，係人都睇得出嘅虛假笑面；而當見到衣著普通，唔似有錢人嗰款嘅客，就會變臉，講嘢嘅態度都會變得冇咩禮貌，並不是以誠待客的態度！食物少選擇但還可以，純粹食環境，味道冇咩驚喜，特別係麻辣響螺，一味得個辣字，完全唔係麻辣香！！偶爾同朋友嚟傾下偈聚下餐係好嘅，環境夠療癒，間中過來嘆茶都係可以既，食晚飯我就寧願去銅鑼灣其它嘅餐廳會化算好多囉！