影片
更多
2022-07-24
41 瀏覽
相關食物：香酥脆雞雞便當（香辣）之前已經好想試呢間人氣台式便當，一早已經bookmarked 大角咀總店，見成日有排長龍亦好多人推介話好食，所以抱好大期望嚟試食，但點知極度失望，好懷疑好多係打手食評！差嘅地方- QR code 落單但落完之後等咗好耐，仲要係第一碗同第二碗嚟嘅時間相差好遠，朋友食咗一大半，另一碗先上，留意到隔離幾枱都有相同情況- 味粉有辣，海苔，鹽酥，但其實係gimmick 嘢，分別唔大，唔會大大影響件雞個味，而且重點係枱面上係有齊3種味粉，你自己可以再落，我最後全部試晒，但無一樣覺得驚喜or 一定要試，不過如果只可揀一樣，我會揀鹽酥，因為辣味唔辣，海苔無咩味，鹽酥起碼有鹹味- 雞本身無咩味，配菜好難食，我平時好鍾意食粉絲同埋粉絲好難整得難食，但呢間嘢竟然可以令咁普通嘅餸都整得難食，無味又乾- 另外仲有高麗菜，一個字硬，仲有個焦糖玉子，呢個經典，我一路食一路諗呢個係乜，我完全唔知自己食緊咩嘢，我係食完之後再睇返資料先知原來自己食咗焦糖玉子，焦糖味完全食唔出，玉子無玉子應有嘅味，只係食到軟淋淋一pat 嘢，真係好難食，唔做配菜好過做好嘅地方- 份量係足夠，但根本唔會令人好
香酥脆雞雞便當（香辣）
$66
2 瀏覽
0 讚好
0 留言
之前已經好想試呢間人氣台式便當，一早已經bookmarked 大角咀總店，見成日有排長龍亦好多人推介話好食，所以抱好大期望嚟試食，但點知極度失望，好懷疑好多係打手食評！
差嘅地方
- QR code 落單但落完之後等咗好耐，仲要係第一碗同第二碗嚟嘅時間相差好遠，朋友食咗一大半，另一碗先上，留意到隔離幾枱都有相同情況
- 味粉有辣，海苔，鹽酥，但其實係gimmick 嘢，分別唔大，唔會大大影響件雞個味，而且重點係枱面上係有齊3種味粉，你自己可以再落，我最後全部試晒，但無一樣覺得驚喜or 一定要試，不過如果只可揀一樣，我會揀鹽酥，因為辣味唔辣，海苔無咩味，鹽酥起碼有鹹味
- 雞本身無咩味，配菜好難食，我平時好鍾意食粉絲同埋粉絲好難整得難食，但呢間嘢竟然可以令咁普通嘅餸都整得難食，無味又乾
- 另外仲有高麗菜，一個字硬，仲有個焦糖玉子，呢個經典，我一路食一路諗呢個係乜，我完全唔知自己食緊咩嘢，我係食完之後再睇返資料先知原來自己食咗焦糖玉子，焦糖味完全食唔出，玉子無玉子應有嘅味，只係食到軟淋淋一pat 嘢，真係好難食，唔做配菜好過做
好嘅地方
- 份量係足夠，但根本唔會令人好想食晒或食完想再添嘅感覺，我自己食咗一半都已經無咩胃口食晒，但有清晒啲雞
- 杯茶正常
- 新開張有9折
整體來講，今次體驗好差，啲嘢得個樣同份量去做噱頭，唔清楚其他便當會唔會比較好，但呢個雞都算多人推介都咁，唔會期望佢其他嘢好高質
題外話/補充資料：
我食完之後腸胃炎，痾咗幾次，唔肯定100%關事，但我當日淨係喺街食過呢餐😷🤒
(以上食評乃用戶個人意見 , 並不代表OpenRice之觀點。)
張貼
