那個ㄋㄚˋ ㄍㄜ (東寶大廈)

營業中

休息中

3人食午餐，叫左3個餐+3飲品落單是scan code,送出時網站顯示總數約$266食物不過不失，但侍應態度兇惡上完菜侍應又上多杯野飲，我地即話已齊講完侍應又拎袋外賣比我地我地再次話 齊曬無叫跟住佢比張收據我地但總數$400明白偶爾會搞錯，於是細睇邊度加錯左而係我地專心睇果陣，一男侍應好快搶過收據同時大聲夾惡講："唔係你地架，唔洗理"就走左我地3個女仔都比佢嚇親洗唔洗突然搶同大聲夾惡呢？跟住岩岩食完就好惡咁問：你地係咪食完架啦？出面好多人排緊隊架先唔講我地只係坐左半個鐘，搞錯左3次，連趕人走都無一句唔好意思仲惡...雖然唔係大客，但每人1個餐，無帶外來野食或大聲講野，敢講係正常客佢地搞錯咁多次我地只係正當澄清："齊啦/唔係我地" 無加無任何責備的說話唔明白做左咩得罪呢間餐廳理解工作忙碌，唔需要笑面迎人或細心講解，但基本禮貌都要有掛不會亦不敢再黎。

黎到北角，竟然見到那個仲有空位就入去食一入到去職員都幾有禮貌話隨便坐坐低後用手機落單落完單野食都幾快到送餐既姐姐都幾有禮貌，話「有野食啦」🤣主食叫左香酥脆雞便當💰 HKD $75份量好足，雞扒好大塊👏🏻調味唔錯伴菜有椰菜蘿蔔、蛋、粉絲等等個粉絲好好食🤤🤤加左地瓜球💰 HKD $22呢個真係值得一讚，口感非常煙韌，好食另外跟餐再加多個黑糖梅子薯條，酸酸甜甜，好食🤤💰 HKD $28 (跟餐價)隨餐有加野飲不過無影到，味道中規中矩，跟餐叫野飲可平$15一杯最後埋單時店長黎埋，非常有禮貌😚走既時候啲職員都好有禮貌講byebye💖埋單時人均$120☺️🌸總結：野食很不錯，職員態度都幾好幾有禮貌😊

基本上每個晏晝都見到佢哋排曬長龍，終於有次兩點幾三點左右過嚟食，等咗一陣就有位。待應態度非常之唔錯，座位亦唔算太擠迫，嘢食嚟講真係好有台灣嘅感覺。啲肉有咬口有味道，個麵就非常煙韌好彈牙，湯底濃郁，亦配有特色嘅飲品。只要唔係晏晝午餐繁忙時段，都會考慮再過嚟食。

之前去過其他分店覺得味道唔錯，但呢間北角分店無論食物質素、服務態度、環境，真的每況愈下。以後絕對唔會再幫襯，亦都唔會推介。叫咗佢哋最出名的嘉義雞肉飯。雞肉非常嚡口、好乾冇汁，又硬又凍。食落同瑜興的雞絲類似，但難食很多。而且飯係唔熱嘅，本來好鍾意食台灣米（例如百芳池上便當），但呢間啲米煮得腍啤啤。上面的蛋不太熟咁同個餐好唔襯。兩杯飲品（烏龍 鳳梨綠茶）都好淡口，溝晒水咁。台式飲品呢間算係飲過最差。服務態度直程令人反感。週末中午絕對比平日少人，但侍應一直安排客人坐門口區域，想外面行過啲人以為好滿座其實入內超多超多吉位。 既然看到裏面很多吉位，就問可不可以坐在𥚃面，侍應不情願，話有機會要搭枱，但食完周圍都係有大半吉位冇人坐。有個後生女侍應態度非常柴娃娃、似係暑期工嚟玩煮飯仔咁，放低菜好似唱歌咁叫。。。例如「xx綠～茶三～分～甜少～冰～」，同枱人全部都不清楚她在說什麼，很無語。收錢的時候，年長的女侍應愛理不理，明明看到我們站在收銀處等待，仍然繼續互相聊天，說完才施施然走過來，而且最後一句多謝唔該都沒有。 環境的話，因為很多都是木枱，所以香港潮濕的環境下已經有點發霉的味道。很臭。所以，成日話啲人

服務超級差劣，不知所謂，入餐廳無人理，問收銀位帶眼鏡阿姐，黑口黑面，不唔應。同她確定是否已下了單又話有，坐了25分鐘未有餐，追一下，另一個矮阿姐完全不願意同你追，話你等等啦。當時餐廳只得七至八個客。我再追，先話電腦無單。足足等了半個多小時。老闆請她們回來倒米嗎？幾好食都無用，垃圾員工垃圾服務，早執吧！成日推開門又無職員去關，冷氣已經不夠，外面熱氣係咁入來，一個午餐平均八十元，不要問為港人要回大陸消費。那個店老闆你留返D錢，職員只是幫你倒米。

大過塊面超抵食便當，勁食一波香脆厚肉排骨😋・・・・・・・・・・・・・・・・・・・・🍛 那個滷排骨便當 HK$76・味道：甜豉油滷得好入味，唔會過鹹調味適中。滷完再炸所以好香口乾身，面頭再加啲孜然粉調味，出色的一手🫡！底下仲有好多料，粉絲、粟米、椰菜、蘑菇全部穩陣發揮，有feel！・口感：成寸厚嘅脆口排骨，仲要大過塊面，超大份抵食👍！🍢 (跟餐) 香酥花酥丸 (2件) HK$12・味道：足料嘅有花枝粒，但花枝味又唔係好出，不過炸得幾香口，再脆啲更好！・口感：脆口但唔夠彈XD🍢 (跟餐) 香酥臺南蝦捲 (2件) HK$12・味道：有層炸腐皮包住蝦肉，超脆口索索聲。不過入面嘅蝦滑被啲蔬菜甜味蓋過咗～・口感：外脆內嫩，掂嘅！・・・・・・・・・・・・・・・・・・・・🤰性價比：高～🤰9衝度：9衝～🤰結論：好食過N年前喺大角咀本店食嘅version XD，有進步，欣賞！・・・・・・・・・・・・・・・・・・・・

終於試到人氣滿滿的那個😋想食香酥脆雞便當，上到枱至知點錯咗便當，傷心🥲好彩個秘製嘉義雞肉便當都唔錯，個汁幾好撈飯嘅😆香酥花枝丸都唔錯，可以一試嘅要再搵日食返個香酥脆雞🥹

特登嚟到北角，就揾定幾間出名嘅餐廳一次過試晒，實行少食多餐。呢間餐廳有最低消費，我地兩個人，又唔想食得飽得滯，就叫咗個香酥排骨便當 加個 黑糖梅子地瓜薯條 同 加大野飲。香酥排骨便當 $76：塊排骨大大塊，好吸引，可惜一咬開，白sai sai，鞋嘅，無味... 個便當除咗有飯外，仲有粉絲同蔬菜。黑糖梅子地瓜薯條 (大) $46：好食！蕃薯本身甜，加上甜甜酸酸嘅梅子粉，好開胃。呢度小食好食過主菜好多。出奇地我到訪嘅時候無乜人，可以任坐。枱與枱之間唔太密，都幾靜，餐廳亦無趕人走。如果想揾個靜靜地嘅地方hae 下，飲杯野，呢間都係唔錯嘅選擇。

食左嘉義雞肉便當+飲品（加左6蚊愛玉）$72一個人想叫下小食再加左三星蔥餡餅$12共$84便當：注：叫左少飯飯係似日本米 唔係兩餸飯個種硬米 配炸蔥汁撈飯一流 雞肉較厚 幼細啲會滑身啲便當有3個配菜：粉絲，菜脯同蛋每樣配菜都正正常常三星蔥餡餅：上檯時熱的 配辣醬 皮薄未到爆餡 推薦比想食蔥的人環境：張凳好坐

今日係港運城買完嘢，見到對面街有間食台南美食，即管試試佢，嗌咗個紅燒牛腱麵再加個十全藥燉排骨湯。嘢食中規中矩，但員工衞生意識令人擔憂1. 所有員工戴住黑色膠手套，期間親眼睇住佢將食物殘渣從托盤用手撥落去垃圾桶，然後在無清潔手套嘅情況下，又將乾淨嘅餐具放上托盤盛餐給客人；2. 之後就咁用佢污糟嘅手在托盤上噴上消毒液，再用果條起哂漬嘅千年毛巾抹返乾淨啲托盤；3. 員工用果啲無清潔過嘅手又係到周圍摸啲坐椅，下一個客人坐落去好大機會揩污糟啲衫；4. 廁所衞生欠佳，門亦關不上。

那個ㄋㄚˋ ㄍㄜ˙小編一直都想試呢間餐廳🥹可惜一直冇乜機會試，見最近有消息話佢有間分店會執，所以趁北角呢間未執就去試下先🫢。香酥魚菲力便當 $72好一般，個炸皮好厚，加上外面啲粉唔夠香唔夠味，食嗰陣入面塊魚完全冇味，大家樂早餐炸魚柳炸得仲脆仲Juicy.... 配料有粉絲、泡菜。食到最尾嗰舊魚食落漿漿地，小編夜晚就係咁嘔🤡，應該係炸唔熟所以食物中毒，最worse係第朝要返工🫠題外話係我見點餐app上面有唔同味粉揀，小編有選擇困難症所以揀「標準」，點知原來係唔落味粉，咁點解app上面仲有個choice叫「唔加粉」🤡我問號，最尾要叫個staff比粉我自己落。飲品不值一提，明明叫厚奶茶，奶味同茶味都唔重🫠。(最後都提左🥸)賣相：⭐⭐味道：⭐⭐CP值：⭐⭐完全唔建議食🤡小編對炸魚菲力有ptsd了。仲要隔離枱好多細蚊飛嚟飛去，好驚🫠

首先一入坐，QR code menu 與餐牌menu不同，好混亂，雖然店員聲稱換咗點餐系統而已但選擇少咗。我叫咗碗鹽酥雞湯麪，加辣油好似冇加到咁。朋友點了牛肉麵，牛肉尚算可以，但係最大問題係兩個麪都係凍嘅，又凍又硬，好似食梗泥膠咁，碗麵真係唔合格，好難食。連麪都唔識煮，真係不能接受！牛肉麵味道好似冇乜味咁，食咗半碗就一齊放棄咗！另外，蛋餅頭尾嗰兩件好似冇餡咁，－碟六件好似冇咗兩件咁，性價比極低，非常失望。

喺北角鰂魚涌搵食嘅朋友就一定識得呢一間人氣長龍排隊店 --- 那個ㄋㄚˋ ㄍㄜ˙ (東寶大廈)。午餐一定好多人排隊😆，想食一係就早啲出嚟，否則就要等到好晏！🕑呢間餐廳主打台灣便當🍚，份量非常之多😙。最出名肯定就係佢嘅排骨，無論香酥定係滷排骨都成隻男人手掌咁大🙋，視覺上好誇張👀，未食落肚都覺得好飽！味道方面都的確唔錯，唔會話好咸，亦都唔覺得好油膩！如果只係得肉同飯，就會好單調，所以便當裏面都有啲配菜，但係呢我又唔係特別鍾意食。我食呢間餐廳就會叫雞扒便當🐔，因為我怕太大塊嘅豬扒係唔熟。飲品方面，我自己最鍾意嘅台式飲品就係冬瓜茶，呢度嘅冬瓜茶唔會太甜，係好清香，我呢就好推介！大家經過北角鰂魚涌一帶不妨試一試！

近日相約朋友於北角午餐小聚，附近有間人氣台式便當「那個」，總店則位於大角咀，主打台式鐵路便當；而北角分店以台灣復古鐵路為主題 🚋 不論是座位、窗戶或是店門都以台灣的鐵路站為藍本，餐廳的椅子和餐枱以深色木系作為主調，靠近落地大玻璃的座位更有如舊式台灣鐵路站的候車室般，增添多一份「古早味」。其中招牌滷排骨便當 HKD68 🍱 以激巨大份量聞名，上枱一刻的確名不虛傳～排骨份量蓋過整個飯碗，超級大份！可惜滷排骨味道令人大感失望，色澤深但卻淡而無味。便當配料非常豐富有炒粉絲、紅燒茄子、玉子等。另一份紅燒牛魔全席麵 HKD86 🍜 頭湯藥材味重，味道偏甜；厚切牛腱牛味還可以；貢丸爽口彈牙，麵條最為失色，口感一般。午市套餐可以優惠價加配小食，台灣腸 HKD12 大概是全枱最好吃的東西 🤭 ，香酥炸雞兩件 HKD28 微暖而且味道一般；而餐飲另加 HKD16 黑糖仙草牛乳 和 HKD12 檸檬冬瓜愛玉。餐廳標明人齊入座，午市亦特別多人排隊等候，雖然入座時間有限，但仍然等候了半小時；等待的心和期望值的心成正比 😄 可惜食物質素一般，而且定價偏貴，整體性價比低！

今日去左北角，一定要去呢間人氣滿滿的「那個」試一試台灣嘢了，甘啱有下午茶，所以好扺食，嗌左個𠧧肉雞飯，又有小食，加個嘢飲先36元，真係又抵又好食，都有嗌左個招牌炸雞，好酥脆又入味，又大大舊，d小食都好好食，下次再來過