影片
更多
2021-07-04
630 瀏覽
六月係父親節兼小編daddy生日，小編今次就揀左一間名貴得黎，地點又就腳嘅餐廳 — 蟹膳🦀，聽到個蟹字可能大家都會擔心食得好論盡，蟹膳嘅廚師非常細心，每一道菜都已經拆開蟹殼，再加上食蟹專用餐具，小編不費吹灰之力就食完呢頓蟹宴，daddy都好滿意🤪蟹膳有套餐同單點Menu，小編今次就試左「花見 Hanami」，由前菜至甜品共11品菜，材料用上松葉蟹、鱈場蟹同毛蟹，淨係聽都知矜貴，食落又係點嘅呢？前菜第一道沙律已經啖啖蟹肉，配上柚子豉油，非常開胃松葉蟹腳刺身蟹就食得多，刺身食法小編都係初嘗，食落蟹肉比較黏，怕腥嘅朋友可以搭配Wasabi食。職員亦都非常細心，會先問清楚有無唔食刺身嘅朋友，如果有就可以選擇將蟹腳連同下一道菜蒸煮，但係蟹肉表面閃令令嘅金箔就要刺身食法先有啦蒸松葉蟹及蟹膏喺食緊刺身嘅同時，職員會用枱面嘅電磁爐即場蒸松葉蟹，蟹蓋會倒入蛋白先蒸，蛋白中和蟹膏嘅腥味，入口時又滑又香。蟹肉用清蒸嘅方法食落非常鮮甜，唔需要加任何調味已經食到小編舔舔脷燒鱈場蟹蟹腳之前三道菜都係比較清淡，食蟹肉本身嘅鮮味為主。跟住落嚟嘅燒蟹腳就係對味蕾嘅刺激啦，燒過嘅蟹肉特別香濃，蟹殼嘅燒焦味特別吸引，蟹腳蟹
蟹膳有套餐同單點Menu，小編今次就試左「花見 Hanami」，由前菜至甜品共11品菜，材料用上松葉蟹、鱈場蟹同毛蟹，淨係聽都知矜貴，食落又係點嘅呢？
前菜
第一道沙律已經啖啖蟹肉，配上柚子豉油，非常開胃
松葉蟹腳刺身
蟹就食得多，刺身食法小編都係初嘗，食落蟹肉比較黏，怕腥嘅朋友可以搭配Wasabi食。職員亦都非常細心，會先問清楚有無唔食刺身嘅朋友，如果有就可以選擇將蟹腳連同下一道菜蒸煮，但係蟹肉表面閃令令嘅金箔就要刺身食法先有啦
松葉蟹腳刺身
14 瀏覽
0 讚好
0 留言
蒸松葉蟹及蟹膏
喺食緊刺身嘅同時，職員會用枱面嘅電磁爐即場蒸松葉蟹，蟹蓋會倒入蛋白先蒸，蛋白中和蟹膏嘅腥味，入口時又滑又香。蟹肉用清蒸嘅方法食落非常鮮甜，唔需要加任何調味已經食到小編舔舔脷
蒸松葉蟹及蟹膏
12 瀏覽
1 讚好
0 留言
燒鱈場蟹蟹腳
之前三道菜都係比較清淡，食蟹肉本身嘅鮮味為主。跟住落嚟嘅燒蟹腳就係對味蕾嘅刺激啦，燒過嘅蟹肉特別香濃，蟹殼嘅燒焦味特別吸引，蟹腳蟹鉗都已經拆好殼，食落去啖啖肉，香而不膩，呢道菜小編勁想encore😍
燒鱈場蟹蟹腳
75 瀏覽
0 讚好
0 留言
松葉蟹蟹鉗及鱈場蟹蟹腳天婦羅
天婦羅食法對小編嚟講真係別開生面，平時食天婦羅多數都係食炸蝦，今次嘅蟹鉗蟹腳真係少見，夠香脆就不在話下， 食落完全唔會覺得油，調味亦比上一道菜更濃，就好似一部電影去到最精彩嘅高潮 （職員特意提醒流心蛋黃要放入口一啖咁食，果然有驚喜）
松葉蟹蟹鉗及鱈場蟹蟹腳天婦羅
11 瀏覽
0 讚好
0 留言
凍毛蟹
前幾道菜主要都係食鱈場蟹同松葉蟹，呢道菜就好似一個中埸小休，以較清淡同冰凍嘅毛蟹分隔上下半場，雖然話係休息，但呢道凍毛蟹依然係極致享受，絕對唔會俾口腔同味蕾有休息嘅機會，小編個人就覺得毛蟹比較嫩滑、體型蟹肉都偏細小，另外兩款蟹就彈牙有口感，size亦都比較龐大，所以食落啖啖肉
凍毛蟹
16 瀏覽
0 讚好
0 留言
蟹肉餃子
雜菜盤火鍋
呢兩道菜職員會一併喺枱面嘅電磁爐烹煮，如果大家已經覺得飽嘅話可以同職員講聲，唔使放咁多菜落火鍋，因為仲要留肚食最後一道菜啊！
蟹肉餃子 雜菜火鍋
11 瀏覽
0 讚好
0 留言
雜菜火鍋
10 瀏覽
0 讚好
0 留言
雜燴粥
職員煮好蟹肉火鍋之後就會問需唔需要倒入粥到一併熬煮，小編會建議倒埋落粥，因為呢餐已經食咗好多淨蟹肉，試吓粥嘅食法無妨。蟹肉嘅鮮味的確提升碗粥嘅層次，大逆不道嘅男小編竟然話「如果我媽煲啲粥係咁樣，我唔介意日日食粥㗎！」...女小編就已經食到好飽，然後先記起仲有甜品😱
雜燴粥
7 瀏覽
0 讚好
0 留言
甜品
甜品有兩款選擇，分別係柚子雪葩同芝麻雪糕，坦白講就兩款甜品都咁好食，如果怕滯、想清清哋就建議柚子雪葩；如果要為呢場盛宴畫上完美句號，就絕對要揀芝麻雪糕，芝麻味香濃又唔會太甜，正！
柚子雪葩 芝麻雪糕
15 瀏覽
0 讚好
0 留言
餐廳入口有一個蟹池，難怪蟹肉咁新鮮嫩滑；席間職員亦都會介紹每一道菜嘅特色同食法，呢一餐蟹宴真係令小編s長知識；餐廳位處銅鑼灣利園，方便就腳，非常適合情侶節日慶祝或者小型家庭聚會🥰
小貼士：建議大家預留三小時享用饗宴，上次小編訂左八點，食到尾好趕，浪費咗啲蟹🥲
張貼
