Sky726

喺OpenRice 發現呢間熱門餐廳，咁岩想幫朋友慶生，大家要預早book 枱，發覺呢間餐廳真係幾爆，座無虛席。環境燈光係幾有格調，以鬧市旺角泥講，呢類型餐廳較少。我地要左二人餐，每人450+，每個餐都會跟三文魚mosses 小吃，餐包南瓜湯，同沙律。南瓜湯好有驚喜，夠哂香濃，好足料。要咗一個鴨肝炒意粉，呢款比較濃味，鴨肝油脂分布均勻，意粉沾滿鴨肝油香，十分惹味。另一款要咗鱒魚配加勒比醬，其實係番茄醬，酸酸甜甜好開胃。第一次品嘗鱒魚，其有啲似三文魚嘅口感，肉質都一樣嫩滑，感覺不錯。最後我哋每人都有一份歌劇院蛋糕，濃濃嘅比利時朱古力，入口醇滑，成餐飯由頭盤食到甜品都好滿足。