THE BOTTLE & STEAK

營業中

休息中

天氣轉涼，準備過冬至，聖誕好快來臨，約咗好耐冇見嘅朋友吹下水傾下計，朋友喺港島區返工，趁機會過海食番餐，之前同妹妹來過，有好嘢食，特別係有好嘢飲。餐廳大雪櫃係重點，琳瑯滿目，各式其式，放滿不同類型啤酒，目不暇給，好多口味選擇嘅啤酒，外國特式啤、手工啤、水果啤、白酒……，有選擇困難症嘅朋友小心呀！隔離枱好厲害呀，睇住佢哋飲咗十多支唔同類型嘅啤酒，打卡一流！黑松露蝦多士~新鮮熱辣辣炸起鋪滿芝麻嘅蝦多士確實美味，廚師最後放上黑松露醬，使整個小食嘅味道更上一層樓。三重芝士中東包~熱辣辣香噴噴，芝士味濃，主要係mozzarella，拉絲芝士配中東包，有啲似 pizza，兩個人食啱啱好。澳洲豬鞍架(配薯條)~即叫即烤，大家要畀啲耐性，朋友唔食牛 呢個係好選擇，味道稍稍鹹一點，送啤酒一流。臨近聖誕，店內擺滿聖誕裝飾，好有氣氛，地方好適合包場開party，聖誕menu已經出咗，會喺牆上發現。