本場

營業中

休息中

尋日午餐時間，我哋揀咗一間日式餐廳食午餐，成個環境充滿和風氣氛，令人覺得好舒服。舖頭入面人流唔少，但服務依然細緻，令我哋嘅用餐體驗更加愉快。我哋叫咗美國SRF極黑牛放題，好多款肉任食，真係好抵。▶️美國SRF極黑牛外表大理石咁嘅靚油花，口感嫩滑、香味濃郁、食落去好似牛油咁柔滑而美味。▶️牛頸脊鮮紅嫩滑嘅牛肉入面密密佈住雪白嘅油花，油脂帶嚟細微嘅咬口，口感肥嫩而有彈性。▶️牛板腱肉質幼嫩而且帶少量筋膜，燒烤後既保持彈性又嫩滑。入面嘅大理石紋脂肪分佈均勻，入口即溶而且唔會太膩。▶️牛脷有咬口嘅口感，食到油脂，但又唔會油膩，爽彈鮮甜嘅口感。▶️特色薯餅金黃色嘅薯餅，香脆嘅外皮，入面嘅口感軟糯，味道好香濃，口感一流。▶️吉列蝦炸口感好香脆，入面蝦肉彈牙鮮甜，風味十足。▶️味付墨魚仔口感煙韌十足，帶有濃郁鹹香味，煙韌口感令人一試難忘。▶️鰹魚豆腐湯清甜嘅湯底配埋滑嫩豆腐，味道好濃郁，鮮味十足。