茶木‧台式休閒餐廳 (黃埔天地)

營業中

休息中

黃埔依間分店原來係十周年特別店，所以個Menu同平時果D分店會有d唔同。蕃茄奶油蟹肉蝴蝶麵 $92依個麵比我想像中好食，D蕃茄汁唔會整得太酸，份量亦都岩岩好，唔會太多或太少，食完成碟粉就岩岩好。平時比較少見到蝴蝶粉，所以今次就想試下，原來都幾得意幾好食，口感幾特別。而蟹肉就好少，佢唔係真係加左蟹肉落去，而係有九條小蟹鉗，但係每條都有肉既。TeaWood®️ 紅燒牛肉麵 $202 (加左野飲同甜品)牛肉麵就正正常常。木柵鐵觀音草莓青檸茶主要淨係飲到士多啤梨+茶既味。抹茶鮮果流心歐軟本來想食磚，但係依間分店無。本身想叫朱古力味，但係無曬，所以就叫左抹茶味。一黎到見到佢擺得好靚，又加左好多生果，有雪糕又有Cream咁。個麵包盒入面係D好似麻糬咁既野，我覺得依個無平時果D磚咁好食，同埋因為入面係麻糬，所以無平時咁多汁點，不過依個盒相對磚細，所以食果陣就方面少少。