栢檔極品海南雞飯 (已結業)

栢檔極品海南雞飯，好耐以前佢係九龍城有舖已經食過今日就回憶下佢🤣🤣黎到梗係要叫海南雞飯 （$64）雞係真係好滑，肉質唔會柴份量都幾多 （唔怪得佢都幾多外賣單）跟油飯，唔會話太油，啱啱好加左個細肉骨茶（$18）入面有舊肉同兩舊豆卜咁，都幾有誠意另外朋友叫左個一人餐，要左豬頸肉（$83）佢個豬勁肉整得好好食面係焦脆既，但係又唔會太乾有埋碟菜，湯，同一粒雪糕糯米糍性價比都唔錯！朋友仲讚佢個湯好足料，好甜添！仲有加左份香麻辣鳯爪（跟餐加$18）佢唔會話太辣，但係又幾香，而且份量比出面餐廳多，不錯吃