影片
更多
2021-07-04
6071 瀏覽
今日公司搞慶功午宴, 包成七十位, 咁大排場, 真係好少係自助餐店出現, 酒店都好配合座位調動.因為要幫手入坐, 所以無閒暇影食物相, 但趁人唔多, 影環境都係必要既.先食冷盤既我, 通常都係先食火腿同芝士, 款式唔多, 每樣都係得3款, 相比一般自助餐, 大概少1-2款. 不過JW既特色係少得黎精. 雖然無平時最鍾意既巴馬臣芝士, 亦無只想一試既藍芝士, 但3款都好有芝士味. 火腿亦都冇特別辛辣口味, 但都做到正常水準既.麵包蟹蓋今次都唔太精神, 無一個蓋係有紅色膏既, 相反入面仲係白雪雪既, 不過點都拎一個試下先啦, 雖然口感唔同, 但都好軟滑而重蟹膏味.刺身因為太多人排, 所以唔方便影相, 窩心既酒店, 既可以拎6款刺身之餘, 亦可以叫師傅做成壽司或手卷, 但壽司飯有少少生米, 但唔太影响面頭既刺身既. 今次無吞拿魚提供, 只有三文魚、鱆紅、甜蝦、象拔、墨魚同馬刀貝, 我覺得最值得推介既, JW黎講, 一直都係佢既墨魚, 入口好綿好軟, 底部有少少彈牙, 仲好重墨魚味, 每次我都會拎好多黎食.重點推介既係以上2款, 花膠扒同片皮鴨, 真係食幾件已經回返本, 炆好既花膠好淋亦好入味
今日公司搞慶功午宴, 包成七十位, 咁大排場, 真係好少係自助餐店出現, 酒店都好配合座位調動.
因為要幫手入坐, 所以無閒暇影食物相, 但趁人唔多, 影環境都係必要既.
先食冷盤既我, 通常都係先食火腿同芝士, 款式唔多, 每樣都係得3款, 相比一般自助餐, 大概少1-2款. 不過JW既特色係少得黎精. 雖然無平時最鍾意既巴馬臣芝士, 亦無只想一試既藍芝士, 但3款都好有芝士味. 火腿亦都冇特別辛辣口味, 但都做到正常水準既.
麵包蟹蓋今次都唔太精神, 無一個蓋係有紅色膏既, 相反入面仲係白雪雪既, 不過點都拎一個試下先啦, 雖然口感唔同, 但都好軟滑而重蟹膏味.刺身因為太多人排, 所以唔方便影相, 窩心既酒店, 既可以拎6款刺身之餘, 亦可以叫師傅做成壽司或手卷, 但壽司飯有少少生米, 但唔太影响面頭既刺身既. 今次無吞拿魚提供, 只有三文魚、鱆紅、甜蝦、象拔、墨魚同馬刀貝, 我覺得最值得推介既, JW黎講, 一直都係佢既墨魚, 入口好綿好軟, 底部有少少彈牙, 仲好重墨魚味, 每次我都會拎好多黎食.
重點推介既係以上2款, 花膠扒同片皮鴨, 真係食幾件已經回返本, 炆好既花膠好淋亦好入味, 但SIZE好似比以前細左少少, 不過唔阻礙味道, 最多食多幾塊架啫. 片皮鴨有專人即叫即切即包, 所以每次都會有人龍等待, 皮薄饀靚真係當之無愧, 見廚師切開鴨身, D油漏晒出黎, 就知隻鴨好肥, 但主力食佢既皮同肉, 再加埋醬料同外皮, 完全感受唔倒肥膩感, 加上青瓜絲同京蔥絲, 幾樣野融合為一, 食唔出每樣野既獨立味道, 只係食得出, 這就是片皮鴨應有既味道, 不過稍為遜色既係, 手法唔夠正宗, 片皮鴨應該係橫切, 以鴨皮為主, 再帶少許鴨肉, 但可能酒店為配合人數及時間既問題, 會先切開一大舊帶皮既肉, 再切成絲, 然後先包. 不過最尾我都食左2塊花膠同4件鴨.
其他熟食都嘗試一下, 值得推介既係龍躉腩同燒賣, 係, 無錯係燒賣, 佢既豬肉肥而不膩, 無蟹子或鮑魚鋪面, 但就係佢既綿滑, 蝦既爽口, 同埋蒸籠一直熱住, 我都不其然食左4粒.
粉麵同甜品我都無空間享用, 但款式好似都夠多. 整體JW自助餐, 款式好似比其他少, 但再提多次, 淨係做到好味, 同一款不停encore, 唔會再留空間去試一D可有可無既菜式, 已經唔係咁易做.
粉麵同甜品我都冇空間享用
張貼
