吉列牛忌廉烏冬專門店 (彌敦道) (已結業)

當然要試吓呢度嘅吉列牛。呢度嘅吉列牛幾好食，個餐有飯、前菜、麵豉湯。吉列牛份量都多，有個爐俾你燒到自己滿意嘅速熟度。吉列牛外面炸得金黃香脆，牛肉夠林，味道唔錯。另外我哋仲叫咗咖喱烏冬面，上面有好多忌廉，撈埋啲咖喱烏冬一齊食特別滑。而且咖喱好香，夠晒味。咖喱都幾辣。小食叫咗雞翼，雞翼有檸檬可以調配，本身雞翼都有蜜糖，所以好似檸蜜味嘅雞翼。雞翼炸得夠脆，味道幾好。餐廳座位都有好多，所以就算等位都唔會好耐。