尚湯

營業中

休息中

傍晚喺大角咀附近行過，唔想去商場食所以喺條街度搵下啲小店，見到呢間門面裝修有啲特色，入面又細細間嘅舖頭就入咗去。裏面只係得四張3-4人枱，有一位老細應該做埋廚師一腳踢，不過叫菜上菜都幾快，佢完全manage到舖內嘅兩三枱客。有好多日式和風烏冬/飯菜式同壽喜燒等等選擇，以小店嚟講算係機多選擇；我亦留意到有唔少頁數係早餐，估唔到呢間日式小店有做埋西式/港式早餐。番茄豬扒炒烏冬 ($70)我想食烏冬但又唔想食湯麵，恰好佢有炒烏冬就叫咗呢個。每個主菜都配前菜(中華沙律)、飲品同甜品。番茄炒烏冬好有home cook嘅feel，都係茄膏+茄汁嘅味道，感覺幾啱小朋友食豬扒有先煎過，都幾香口，烏冬都炒到乾身，整體感覺似出面有鑊氣嘅茶餐廳菜式整體而言，成個餐$70都係合理價錢，服務態度好，而且小店值得支持，希望下次試下其他菜式。