星十五

營業中

休息中

尖沙咀加連威老道有間糖水舖叫「星十五」，主打點心和糖水。咁啱我哋去果晚話個爐壞咗，所以我哋淨係試糖水。叫咗個椰王燉鮮奶同埋合桃露王+芝麻糊。椰王燉鮮奶食好多次，今次係最唔甜嘅一次，可能你會話：「健康啲，咁咪好囉！」其實又可能啱嘅，但係我就覺得佢有啲兩頭唔到岸，我估計佢無咁甜，可能就係唔將全部椰王水用曬（戴頭盔先⋯⋯我本身唔識整㗎，純粹猜測）所以椰味偏淡，奶味又無乜（好奇怪），如果你是但一邊嘅味道突出都好啊！？而家係一齊「淡」😓。另外一碗合桃露王+芝麻糊，芝麻糊唔掂，唔香偏水，相反合桃露就出色👍🏻，唔怪之得係皇牌，佢全名叫做｛特製蓮子合桃露王｝合桃味濃好香，甜度又適中。不過，一碗淨係合桃露王係$62，我覺得幾貴😅（但係其實會唔會出面本身就係呢啲價錢，只係我唔知呢？）😂